ಬೆಂಗಳೂರು: ಲಾಕ್ ಡೌನ್ ಮುಗಿಸಿ ಈಗಷ್ಟೇ ಹೊರಾಂಗಣ ಚಿತ್ರೀಕರಣಕ್ಕೆ ಸರ್ಕಾರ ಅನುಮತಿ ನೀಡಿದೆ. ಇದರ ಬೆನ್ನಲ್ಲೇ ಸ್ಯಾಂಡಲ್ ವುಡ್ ನಲ್ಲಿ ಚಿತ್ರೀಕರಣದ ಚಟುವಟಿಕೆಗಳು ಶುರುವಾಗಿದೆ.
ಅರ್ಧಕ್ಕೇ ನಿಂತಿದ್ದು, ಹೊಸದಾಗಿ ಆರಂಭವಾಗಬೇಕಾದ ಸಿನಿಮಾಗಳ ಚಿತ್ರೀಕರಣವನ್ನು ಜುಲೈನಿಂದ ಆರಂಭಿಸಲು ಬಹುತೇಕ ಚಿತ್ರತಂಡಗಳು ತಯಾರಿ ನಡೆಸಿವೆ.
ಉಪೇಂದ್ರರ ಕಬ್ಜ, ರಕ್ಷಿತ್ ಶೆಟ್ಟಿಯವರ ಸಪ್ತಸಾಗರದಾಚೆಯೆಲ್ಲೊ, ಕಿಚ್ಚ ಸುದೀಪ್ ರ ವಿಕ್ರಾಂತ್ ರೋಣ ಇತ್ಯಾದಿ ಸಿನಿಮಾಗಳು ಜುಲೈನಿಂದ ಶೂಟಿಂಗ್ ಪ್ರಾರಂಭಿಸಲಿವೆ. ಇದರ ನಡುವೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ರ ವೀರಮದಕರಿ ಸಿನಿಮಾ ಕೂಡಾ ಸದ್ಯದಲ್ಲೇ ಜುಲೈ ಕೊನೆ ಅಥವಾ ಅಗಸ್ಟ್ ನಲ್ಲಿ ಚಿತ್ರೀಕರಣ ಪ್ರಾರಂಭಿಸುವ ನಿರೀಕ್ಷೆಯಿದೆ. ಅದಲ್ಲದೆ, ಕೆಜಿಎಫ್ 2 ಸಿನಿಮಾ ಮುಗಿಸಿರುವ ರಾಕಿಂಗ್ ಸ್ಟಾರ್ ಯಶ್ ಜುಲೈನಲ್ಲಿ ಹೊಸ ಸಿನಿಮಾ ಘೋಷಣೆ ಮಾಡುವ ಸಾಧ‍್ಯತೆಯಿದೆ. ಅಂತೂ ಜುಲೈ ಸ್ಯಾಂಡಲ್ ವುಡ್ ಪಾಲಿಗೆ ಶುಭವಾಗಲಿದೆ.
