ಬೆಂಗಳೂರು: ರಿಯಾಲಿಟಿ ಶೋ ಸ್ಪರ್ಧಿ ಪುಟಾಣಿ ಸಮನ್ವಿ ಮತ್ತು ತಾಯಿಗೆ ಆದ ರಸ್ತೆ ಅಪಘಾತದಲ್ಲೂ ದೇವರು ಒಂದು ಮಟ್ಟಿಗೆ ಈ ಕುಟುಂಬದ ಮೇಲೆ ಕರುಣೆ ತೋರಿದ್ದಾನೆ ಎನ್ನಬಹುದು.
ನಿನ್ನೆ ನಡೆದ ಭೀಕರ ಅಪಘಾತಲ್ಲಿ ಸಮನ್ವಿ ಸ್ಥಳದಲ್ಲೇ ಸಾವನ್ನಪ್ಪಿದ್ದರೆ, ಆಕೆಯ ತಾಯಿ, ನಟಿ ಅಮೃತಾ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಅಮೃತಾ ಈಗ ಗರ್ಭಿಣಿ. ಅದೃಷ್ಟವಶಾತ್ ಈ ಅಪಘಾತದಲ್ಲಿ ಅಮೃತಾ ಹೊಟ್ಟೆಯಲ್ಲಿದ್ದ ಮಗುವಿಗೆ ಏನೂ ತೊಂದರೆಯಾಗಿಲ್ಲ.
ಮಗುವಿಗೆ ತೊಂದರೆಯಾಗಿಲ್ಲವೆಂದು ವೈದ್ಯರಿಂದ ತಿಳಿದುಬಂದಿದೆ ಎಂದು ನಟಿ ಸುಪ್ರೀತಾ ಶೆಟ್ಟಿ ಹೇಳಿದ್ದಾರೆ. ಹೀಗಾಗಿ ಇನ್ನೊಂದು ಆಘಾತ ತಪ್ಪಿದೆ. ಹಾಗಿದ್ದರೂ ಪುಟಾಣಿ ಸಮನ್ವಿಗೆ ಈ ರೀತಿಯ ದುರಂತ ಸಾವು ಅರಗಿಸಿಕೊಳ್ಳಲು ಯಾರಿಂದಲೂ ಸಾಧ್ಯವಾಗುತ್ತಿಲ್ಲ. ದೇವರೇ ಇಲ್ಲವೇನೋ ಎಂದು ರಿಯಾಲಿಟಿ ಶೋ ನಿರ್ಮಾಪಕ ಸೃಜನ್ ಲೋಕೇಶ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.