ಅಭಿಮಾನಿಗಳ ಭಾವನೆಗೆ ನೋವು ಕೊಡಬೇಡಿ! ರಾಕಿಂಗ್ ಸ್ಟಾರ್ ಯಶ್ ಗೆ ಫ್ಯಾನ್ಸ್ ಮನವಿ

ಬೆಂಗಳೂರು: ಕೆಜಿಎಫ್ 2 ಸಿನಿಮಾ ರಿಲೀಸ್ ಆಗಿ ವರ್ಷವೇ ಕಳೆದಿದೆ. ಹಾಗಿದ್ದರೂ ಯಶ್ ತಮ್ಮ ಮುಂದಿನ ಸಿನಿಮಾ ಬಗ್ಗೆ ಇನ್ನೂ ಅಪ್ ಡೇಟ್ ಕೊಟ್ಟಿಲ್ಲ.

ಮಾಧ್ಯಮಗಳು ಎದುರಾದಾಗಲೆಲ್ಲಾ ಸದ್ಯದಲ್ಲೇ ಕೊಡ್ತೀನಿ. ಅದರದ್ದೇ ತಯಾರಿಯಲ್ಲಿದ್ದೇನೆ ಎನ್ನುತ್ತಿದ್ದಾರೆ. ಆದರೆ ಇದುವರೆಗೆ ತಮ್ಮ ಮುಂದಿನ ಸಿನಿಮಾ ಬಗ್ಗೆ ಅಪ್ ಡೇಟ್ ಕೊಟ್ಟೇ ಇಲ್ಲ. ಅಭಿಮಾನಿಗಳಿಗೂ ಕಾದು ಕಾದು ನಿರಾಸೆಯಾಗಿದೆ.

ಹೀಗಾಗಿ ನಿನ್ನೆ ದಿನವಿಡೀ ಟ್ವಿಟರ್ ನಲ್ಲಿ ಯಶ್ ಫ್ಯಾನ್ಸ್ ನಮ್ಮ ಭಾವನೆಗಳನ್ನು ನೋಯಿಸಬೇಡಿ ಎಂದು ಹ್ಯಾಶ್ ಟ್ಯಾಗ್ ಮೂಲಕ ಬೇಗನೇ ಮುಂದಿನ ಸಿನಿಮಾ ಬಗ್ಗೆ ಅಪ್ ಡೇಟ್ ಕೊಡುವಂತೆ ಆಗ್ರಹಿಸಿದ್ದಾರೆ. ಎಲ್ಲಾ ಸ್ಟಾರ್ ನಟರೂ ತಮ್ಮ ಒಂದು ಸಿನಿಮಾ ಹಿಟ್ ಆದ ಬೆನ್ನಲ್ಲೇ ಮತ್ತೊಂದು ಸಿನಿಮಾ ಬಗ್ಗೆ ಸುಳಿವು ಕೊಡುತ್ತಾರೆ. ಆದರೆ ಯಶ್ ಕೆಜಿಎಫ್ 2 ಯಶಸ್ಸಿನ ನಂತರ 15 ತಿಂಗಳೇ ಕಳೆದರೂ ಇನ್ನೂ ಮುಂದಿನ ಸಿನಿಮಾ ಬಗ್ಗೆ ಸಣ್ಣ ಸುಳಿವೂ ಬಿಟ್ಟುಕೊಟ್ಟಿಲ್ಲ. ಇಷ್ಟು ಸಮಯ ಬ್ರೇಕ್ ಸುದೀರ್ಘವಾಯಿತು ಎಂಬುದು ಫ್ಯಾನ್ಸ್ ಆಕ್ರೋಶಕ್ಕೆ ಕಾರಣವಾಗಿದೆ.