ಬೆಂಗಳೂರು: ಪುಷ್ಪ ಸಿನಿಮಾ ಕನ್ನಡದಲ್ಲೂ ಬರುತ್ತಿದೆ. ಆದರೆ ಕನ್ನಡ ಅವತರಣಿಕೆಯಲ್ಲಿ ರಶ್ಮಿಕಾ ತಮ್ಮ ಪಾತ್ರಕ್ಕೆ ಧ್ವನಿ ನೀಡಿಲ್ಲ. ಆದರೆ ತೆಲುಗಿನಲ್ಲಿ ನೀಡಿದ್ದಾರೆ. ಈ ಬಗ್ಗೆ ಆಕೆಯನ್ನು ಪತ್ರಕರ್ತರು ಪ್ರಶ್ನೆ ಮಾಡಿದ್ದರು. ಇದಕ್ಕೆ ನಟಿ ಉತ್ತರ ಕೊಟ್ಟ ಉತ್ತರ ಹೀಗಿತ್ತು.
ರಶ್ಮಿಕಾಗೆ ಈ ಪ್ರಶ್ನೆ ಕೇಳಿದಾಗ ಮೊದಲಿಗೆ ಪಕ್ಕದಲ್ಲೇ ಇದ್ದ ಅಲ್ಲು ಅರ್ಜುನ್ ಸ್ಪಷ್ಟನೆ ಕೊಟ್ಟರು. ತೆಲುಗು ಮೊದಲು ಡಬ್ಬಿಂಗ್ ಮುಗಿಸಿದ್ದೆವು. ಅದಾದ ಬಳಿಕ ಕನ್ನಡ ಮಾಡಿದ್ದೆವು. ಆದರೆ ನಾವು ನಿರಂತರವಾಗಿ ಶೂಟಿಂಗ್ ನಲ್ಲಿದ್ದಿದ್ದರಿಂದ ಕನ್ನಡದಲ್ಲಿ ಮಾಡಲು ಸಮಯ ಸಿಕ್ಕಿರಲಿಲ್ಲ ಎಂದರು.
ಬಳಿಕ ಮಾತನಾಡಿದ ರಶ್ಮಿಕಾ ಕೂಡಾ ಇದೇ ಮಾತು ಹೇಳಿದರು. ‘ಕನ್ನಡದಲ್ಲಿ ನಾನೇ ಡಬ್ ಮಾಡ್ತೀನಿ ಎಂದಿದ್ದೆ. ಆದರೆ ನಿರ್ದೇಶಕರು ಸಮಯ ಕಡಿಮೆ ಇದೆ ಎಂದು ಬೇರೆಯವರಿಂದ ಡಬ್ ಮಾಡಿಸಿದರು. ಎರಡನೇ ಭಾಗದಲ್ಲಿ ಖಂಡಿತಾ ನಾನೇ ನನ್ನ ಪಾತ್ರಕ್ಕೆ ಧ್ವನಿ ನೀಡುತ್ತೇನೆ’ ಎಂದಿದ್ದಾರೆ.
