ಬೆಂಗಳೂರು: ಸ್ಯಾಂಡಲ್ ವುಡ್ ನ ಮೋಸ್ಟ್ ಹಾಟ್ ಜೋಡಿ ರಾಧಿಕಾ ಪಂಡಿತ್ ಮತ್ತು ರಾಕಿಂಗ್ ಸ್ಟಾರ್ ಯಶ್ ವಿವಾಹ ನಿಶ್ಚಿತಾರ್ಥದ ವಾರ್ಷಿಕೋತ್ಸವದ ಸಂದರ್ಭದಲ್ಲಿದ್ದಾರೆ. ಇದೇ ದಿನ ಗೋವಾದಲ್ಲಿ ಅವರಿಬ್ಬರ ನಿಶ್ಚಿತಾರ್ಥ ನಡೆದಿತ್ತು.
ಈ ವಿಶೇಷ ದಿನಕ್ಕೆ ರಾಧಿಕಾ ತಮ್ಮ ಇನ್ ಸ್ಟಾಗ್ರಾಂ ಪುಟದಲ್ಲಿ ವಿಡಿಯೋ ಒಂದನ್ನು ಹರಿಯಬಿಟ್ಟಿದ್ದು, ಅದರಲ್ಲಿ ರಾಕಿಂಗ್ ಜೋಡಿಯ ಇನ್ನೊಂದು ಮುಖ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಈಗಲೂ ನಾನು ನಿನ್ನ ತಾಳಕ್ಕೆ ತಕ್ಕ ಹಾಗೆ ಕುಣಿಯುತ್ತಿದ್ದೇನೆ ಎಂದು ರಾಧಿಕಾ ತಮಾಷೆಯ ವಿಡಿಯೋ ಒಂದನ್ನು ಪ್ರಕಟಿಸಿದ್ದಾರೆ. ಇದರಲ್ಲಿ ರಾಧಿಕಾಳನ್ನು ಗೊಂಬೆಯಂತೆ ತನಗೆ ಬೇಕಾದ ಸ್ಟೆಪ್ ಹಾಕಿಸಿ ಕೆಜಿಎಫ್ ಚಿತ್ರದ ಗಲಿ ಗಲಿ ಹಾಡಿಗೆ ಯಶ್ ನೃತ್ಯ ಮಾಡಿಸುತ್ತಿದ್ದಾರೆ. ಅದೂ ವಿಚಿತ್ರವಾಗಿ. ಈ ಫನ್ನಿ ವಿಡಿಯೋ ನೋಡಿ ಸಾವಿರಾರು ಅಭಿಮಾನಿಗಳು ಕಾಮೆಂಟ್ ಮಾಡಿದ್ದು, ನೀವು ಏನೇ ಮಾಡಿದ್ರೂ ಸೂಪರ್ ಬಿಡ್ರೀ ಎಂದಿದ್ದಾರೆ.