ಐರಾ ಮಡಿಲಲ್ಲಿ ಜ್ಯೂನಿಯರ್ ರಾಕಿ ತುಂಟಾಟ! ವಿಡಿಯೋ ಪ್ರಕಟಿಸಿದ ರಾಧಿಕಾ ಪಂಡಿತ್

ಬೆಂಗಳೂರು: ರಾಧಿಕಾ ಪಂಡಿತ್ ತಮ್ಮ ಮಕ್ಕಳ ಬಗ್ಗೆ ಏನೇ ಫೋಟೋ, ವಿಡಿಯೋ ಪ್ರಕಟಿಸಲಿ ನಿಮಿಷಗಳಲ್ಲಿ ಇದಕ್ಕೆ ಸಾವಿರಾರು ಲೈಕ್ಸ್ ಗಳು ಬರುತ್ತವೆ. ಈ ಮುದ್ದು ಮಕ್ಕಳ ತುಂಟಾಟದ ಬಗ್ಗೆ ರಾಧಿಕಾ ಪ್ರಕಟಿಸಿದ ಲೇಟೆಸ್ಟ್ ವಿಡಿಯೋ ಈಗ ನೆಟ್ಟಿಗರ ಮನಸೂರೆಗೊಳಿಸುತ್ತಿದೆ.

ಐರಾ ತನ್ನ ಮಡಿಲಲ್ಲಿ ತಮ್ಮನನ್ನು ಮಲಗಿಸಿಕೊಂಡು ತನ್ನದೇ ಭಾಷೆಯಲ್ಲಿ ಮುದ್ದು ಮಾಡುತ್ತಿರುವ ವಿಡಿಯೋವೊಂದನ್ನು ರಾಧಿಕಾ ಸಾಮಾಜಿಕ ಜಲಾತಾಣದಲ್ಲಿ ಅಪ್ ಲೋಡ್ ಮಾಡಿದ್ದಾರೆ.

ಈ ವಿಡಿಯೋ ನೋಡಿ ನೆಟ್ಟಿಗರು ಸೋ ಕ್ಯೂಟ್ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ವಿಶೇಷವೆಂದರೆ ಈ ವಿಡಿಯೋದಲ್ಲಿ ಐರಾ ಥೇಟ್ ತಾತನ ಹಾಗೆ ಆಕ್ಟ್ ಮಾಡ್ತಿದ್ದಾಳೆ ಎಂದು ರಾಧಿಕಾ ಬರೆದುಕೊಂಡಿದ್ದಾರೆ.