ಬೆಂಗಳೂರು: ರಾಧಿಕಾ ಕುಮಾರಸ್ವಾಮಿ ನಿರ್ಮಿಸಿ, ಅಭಿನಯಿಸಿರುವ ಸಿನಿಮಾ ದಮಯಂತಿ. ಈ ಸಿನಿಮಾದ ಟ್ರೈಲರ್ ಮತ್ತು ಧ್ವನಿಸುರುಳಿ ಬಿಡುಗಡೆಯನ್ನು ಇಂದು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮಾಡುತ್ತಿದ್ದಾರೆ.
ರಾಧಿಕಾ ಹಿಂದೆ ಅನಾಥರು ಸಿನಿಮಾದಲ್ಲಿ ದರ್ಶನ್ ಜತೆಗೆ ಅಭಿನಯಿಸಿದ್ದರು. ಅವರ ಸ್ವಭಾವದಲ್ಲಿ ಕೊಂಚವೂ ಬದಲಾವಣೆಯಾಗಿಲ್ಲ. ಈಗಲೂ ಮೊದಲಿನ ಹಾಗೆಯೇ ಕಾಣ್ತಾರೆ ಎಂದು ರಾಧಿಕಾ ದರ್ಶನ್ ಬಗ್ಗೆ ಹೊಗಳಿದ್ದಾರೆ.
ಇಂದು ಸಂಜೆ 6 ಗಂಟೆಗೆ ದಮಯಂತಿ ಸಿನಿಮಾದ ಟ್ರೈಲರ್ ಮತ್ತು ಅಡಿಯೋ ಬಿಡುಗಡೆಯಾಗಲಿದೆ. ಇದೊಂದು ಹಾರರ್, ಥ್ರಿಲ್ಲರ್ ಸಿನಿಮಾವಾಗಿದ್ದು, ರಾಧಿಕಾ ಹಾರರ್ ಲುಕ್ ಈಗಾಗಲೇ ಕುತೂಹಲ ಮೂಡಿಸಿದೆ.
