ರಾವಣನ ಕೊಲ್ಲಲು ರಾಮನೇ ಆಗಬೇಕೆಂದಿಲ್ಲ ಅಂತಿದ್ದಾರೆ ರಚಿತಾ ರಾಮ್

ಬೆಂಗಳೂರು: ನಟಿ ರಚಿತಾ ರಾಮ್ ವಿಭಿನ್ನ ಪಾತ್ರಗಳ ಮೂಲಕ ತೆರೆ ಮೇಲೆ ಮಿಂಚುತ್ತಿದ್ದಾರೆ. ಇದೀಗ ಅವರ ಹೊಸ ಸಿನಿಮಾದ ಪೋಸ್ಟರ್ ಒಂದು ವೈರಲ್ ಆಗಿದೆ.

ರಾಮನವಮಿ ನಿಮಿತ್ತ ಅವರ ಹೊಸ ಸಿನಿಮಾ ‘ಶಬರಿ’ ಪೋಸ್ಟರ್ ಬಿಡುಗಡೆಯಾಗಿದೆ. ಈ ಸಿನಿಮಾದಲ್ಲಿ ರಚಿತಾ ರಗಡ್ ಲುಕ್ ವೈರಲ್ ಆಗಿದೆ. ಟೈಟಲ್ ಜೊತೆಗೆ ‘ರಾವಣನ ಕೊಲ್ಲಲು ಪ್ರತೀ ಬಾರಿಯೂ ರಾಮನೇ ಬರಬೇಕೆಂದಿಲ್ಲ’ ಎಂಬ ಅಡಿಬರಹ ಮತ್ತಷ್ಟು ಕುತೂಹಲ ಮೂಡಿಸಿದೆ.

ಯುವ ನಿರ್ದೇಶಕ ನವೀನ್ ಶೆಟ್ಟಿ ಆಕ್ಷನ್ ಕಟ್ ಹೇಳುತ್ತಿರುವ ಈ ಸಿನಿಮಾಗೆ ಕೇಶವ್-ಚೇತನ್ ಚಿತ್ರಕತೆ ಬರೆದಿದ್ದಾರೆ. ಹೆಸರೇ ಹೇಳುವಂತೆ ಇದು ಮಹಿಳಾ ಪ್ರಧಾನ ಸಿನಿಮಾವಾಗಿರಲಿದ್ದು, ಥ್ರಿಲ್ಲರ್ ಕತೆಯನ್ನು ಹೊಂದಿದೆಯಂತೆ. ಸದ್ಯದಲ್ಲೇ ಚಿತ್ರೀಕರಣ ಪ್ರಾರಂಭವಾಗಲಿದೆ.