ಬೆಂಗಳೂರು: ಚಿರು ಸರ್ಜಾ ಕೊನೆಯದಾಗಿ ನಟಿಸಿದ್ದ ರಾಜಮಾರ್ತಂಡ ಸಿನಿಮಾ ಇನ್ನೇನು ಬಿಡುಗಡೆಯಾಗಬೇಕಿದೆ.
ಇದಕ್ಕಾಗಿ ಚಿತ್ರತಂಡ ಈಗ ಹೋಮ ನೆರವೇರಿಸಿ ದೇವರ ಆಶೀರ್ವಾದ ಪಡೆದಿದೆ. ಸದ್ಯದಲ್ಲೇ ಸಿನಿಮಾ ಬಿಡುಗಡೆಯಾಗಲಿದೆ. ಇದೀಗ ವಿಶೇಷ ಸುದ್ದಿ ಏನೆಂದರೆ ಚಿತ್ರದಲ್ಲಿ ಚಿರು ಪುತ್ರ ರಾಯನ್ ಕೂಡಾ ಕಾಣಿಸಿಕೊಳ್ಳಲಿದ್ದಾರಂತೆ.
ಚಿತ್ರದಲ್ಲಿ ರಾಯನ್ ವಿಶೇಷ ಅಪಿಯರೆನ್ಸ್ ಮಾಡಲಿದ್ದಾರೆ ಎಂಬ ವಿಚಾರವನ್ನು ಸ್ವತಃ ನಿರ್ದೇಶಕರು ಹೇಳಿದ್ದಾರೆ. ರಾಯನ್ ಯಾವ ರೀತಿ ಕಾಣಿಸಿಕೊಳ್ಳಲಿದ್ದಾನೆ ಎಂಬುದನ್ನು ಚಿತ್ರನೋಡಿಯೇ ತಿಳಿದುಕೊಳ್ಳಬೇಕು.
