ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ತಮ್ಮ ಒಬ್ಬ ವಿಶಿಷ್ಟ ಅಭಿಮಾನಿಯನ್ನು ಭೇಟಿ ಮಾಡಿದ್ದಾರೆ. ಈ ಅಭಿಮಾನಿ ಕಳೆದ 12 ವರ್ಷಗಳಿಂದ ಪುನೀತ್ ರನ್ನು ನೋಡಬೇಕೆಂದು ಕಾದು ಕುಳಿತಿದ್ದರಂತೆ.
ಜೋಯಿಡಾದ 75 ವರ್ಷದ ವೃದ್ಧೆ ಕರಿಯವ್ವ ಬಾಳೆಗೌಡ ಪುನೀತ್ ರ ಈ ಅಪ್ಪಟ ಅಭಿಮಾನಿ. ಅವರ ಪತಿ ಬಾಳೇಗೌಡರು ಡಾ.ರಾಜ್ ಕುಮಾರ್ ನೇತೃತ್ವ ವಹಿಸಿದ್ದ ಗೋಕಾಕ್ ಚಳುವಳಿಯಲ್ಲಿ ಭಾಗವಹಿಸಿದ್ದರಂತೆ. ಈ ವಿಷಯವನ್ನು ಸ್ವತಃ ಪುನೀತ್ ಬಳಿ ಹೇಳಬೇಕು ಎಂದು 12 ವರ್ಷದಿಂದ ಕಾದಿದ್ದರಂತೆ. ಇದೀಗ ಜೋಯಿಡಾಗೆ ಆಗಮಿಸಿರುವ ಪುನೀತ್ ತಾವೇ ಖುದ್ದಾಗಿ ಆ ಅಭಿಮಾನಿಯನ್ನು ಭೇಟಿಯಾಗಿ ಆಸೆ ನೆರವೇರಿಸಿದ್ದಾರೆ.
