ಪ್ರಜ್ವಲ್ ದೇವರಾಜ್ ರ ಅರ್ಜುನ್ ಗೌಡ ಸಖತ್ ಮಾಸ್

ಬೆಂಗಳೂರು: ಪ್ರಜ್ವಲ್ ದೇವರಾಜ್ ನಾಯಕನಾಗಿ ಅಭಿನಯಿಸಿರುವ ಮತ್ತೊಂದು ಸಿನಿಮಾ ತೆರೆಗೆ ಬರಲು ಸಜ್ಜಾಗುತ್ತಿದೆ. ಅದುವೇ ಅರ್ಜುನ್ ಗೌಡ.

ಈ ಸಿನಿಮಾದ ಟ್ರೈಲರ್ ಇಂದು ಆನಂದ್ ಅಡಿಯೋ ಯೂ ಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆಯಾಗಿದೆ. ಖ್ಯಾತ ನಿರ್ಮಾಪಕ ರಾಮು ತಮ್ಮ ಹೋಂ ಬ್ಯಾನರ್ ನಲ್ಲಿ ನಿರ್ಮಿಸಿದ ಸಿನಿಮಾ ಇದಾಗಿದೆ. ಈ ಸಿನಿಮಾದ ಮಾಸ್  ಟ್ರೈಲರ್ ನೋಡಿದ ಜನ ಸಖತ್ ಖುಷಿಪಟ್ಟಿದ್ದಾರೆ.

ಈ ಮೂಲಕ ಹಿಂದೆ ದೇವರಾಜ್ ಗೆ ಲಾಕಪ್ ಡೆತ್ ಸಿನಿಮಾ ನಿರ್ಮಿಸಿದ್ದ ರಾಮು ಈಗ ದೇವರಾಜ್ ಪುತ್ರ ಪ್ರಜ್ವಲ್ ಗೂ ಸಿನಿಮಾ ನಿರ್ಮಿಸಿದ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಈ ಸಿನಿಮಾದಲ್ಲಿ ಪ್ರಜ್ವಲ್ ಜೊತೆಗೆ ಪ್ರಿಯಾಂಕ ತಿಮ್ಮೇಶ್ ಅಭಿನಯಿಸಿದ್ದಾರೆ.