ಬೆಂಗಳೂರು: ಬಹುನಿರೀಕ್ಷಿತ ವಿಕ್ರಾಂತ್ ರೋಣ ಸಿನಿಮಾ ರಿಲೀಸ್ ಡೇಟ್ ನಲ್ಲಿ ಬದಲಾವಣೆಯಾಗಿದೆಯೇ? ಹೀಗೊಂದು ಅನುಮಾನ ಹುಟ್ಟಿಸಿದ್ದು, ಇಂದು ಪ್ರಕಟಿಸಲಾಗಿರುವ ಒಂದು ಪೋಸ್ಟರ್.
ಈಗಾಗಲೇ ಚಿತ್ರತಂಡ ಫೆಬ್ರವರಿ 24 ರಂದು ಚಿತ್ರ ಬಿಡುಗಡೆ ಮಾಡಲಾಗುತ್ತದೆ ಎಂದು ಘೋಷಣೆ ಮಾಡಿತ್ತು. ಆದರೆ ಹೊಸ ವರ್ಷದ ಪ್ರಯುಕ್ತ ಚಿತ್ರತಂಡ ಬಿಡುಗಡೆ ಮಾಡಿರುವ ಪೋಸ್ಟರ್ ನಲ್ಲಿ ಡೇಟ್ ಹಾಕಲಾಗಿಲ್ಲ. ಹೀಗಾಗಿ ನೆಟ್ಟಿಗರು ಬಿಡುಗಡೆ ದಿನಾಂಕ ಬದಲಾವಣೆಯಾಗಿರಬಹುದು ಎಂದು ಅನುಮಾನಿಸಿದ್ದಾರೆ.
ಈ ವಿಚಾರ ವೈರಲ್ ಆಗುತ್ತಿದ್ದಂತೇ ನಿರ್ದೇಶಕ ಅನೂಪ್ ಭಂಡಾರಿ ಸಮಜಾಯಿಷಿ ನೀಡಿದ್ದು, ಪೋಸ್ಟರ್ ಮಾಡುವಾಗ ರಿಲೀಸ್ ಡೇಟ್ ಹಾಕಲು ಮರೆತುಹೋಗಿದ್ದೆವು. ಸದ್ಯಕ್ಕೆ ಬಿಡುಗಡೆ ದಿನಾಂಕದಲ್ಲಿ ಯಾವುದೇ ಬದಲಾವಣೆಯಿಲ್ಲ ಎಂದಿದ್ದಾರೆ.
