ನಯನತಾರಾಗಾಗಿ ಕಾಂಪ್ರಮೈಸ್ ಆಗ್ತಾರಾ ಡಿ ಬಾಸ್ ದರ್ಶನ್?!

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಚಾಲೆಂಜಿಂಗ್ ಸ್ಟಾರ್ ತಮ್ಮ ಸಿನಿಮಾಗಳಲ್ಲಿ ಕನ್ನಡ ಮೂಲದ ನಟಿಯರನ್ನೇ ನಾಯಕಿಯಾಗಿಸಲು ಆದ್ಯತೆ ನೀಡುತ್ತಾರೆ. ಆದರೆ ಅವರ ಐತಿಹಾಸಿಕ ಸಿನಿಮಾ ‘ರಾಜವೀರ ಮದಕರಿನಾಯಕ’ ಈ ಸಂಪ್ರದಾಯಕ್ಕೆ ಬ್ರೇಕ್ ಬೀಳುವ ಲಕ್ಷಣವಿದೆ.

ಮೂಲಗಳ ಪ್ರಕಾರ ರಾಜವೀರ ಮದಕರಿನಾಯಕ ಸಿನಿಮಾದಲ್ಲಿ ದರ್ಶನ್ ಗೆ ನಾಯಕಿಯಾಗಿ ಅಭಿನಯಿಸಲು ಚಿತ್ರತಂಡ ಬಹುಭಾಷಾ ನಟಿ ನಯನತಾರಾ ಅವರನ್ನು ಸಂಪರ್ಕಿಸಿದೆ ಎಂಬ ಸುದ್ದಿ ಬಂದಿದೆ. ಒಂದು ವೇಳೆ ನಯನತಾರಾ ನಾಯಕಿಯಾದರೆ ದರ್ಶನ್ ಬಹುದಿನಗಳ ನಂತರ ಬೇರೆ ಭಾಷೆಯ ನಾಯಕಿ ಜತೆಗೆ ಅಭಿನಯಿಸಿದಂತಾಗುತ್ತದೆ.

ರಾಜೇಂದ್ರ ಸಿಂಗ್ ಬಾಬು ನಿರ್ದೇಶನದಲ್ಲಿ ರಾಕ್ ಲೈನ್ ವೆಂಕಟೇಶ್ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ರಾಜವೀರ ಮದಕರಿನಾಯಕ ಸಿನಿಮಾ ಈಗಾಗಲೇ ಒಂದನೇ ಹಂತದ ಚಿತ್ರೀಕರಣ ಮುಗಿಸಿ ಎರಡನೇ ಹಂತದ ಚಿತ್ರೀಕರಣ ನಡೆಸುತ್ತಿದೆ. ಇದು ದರ್ಶನ್ ಅಭಿನಯಿಸುತ್ತಿರುವ ಮತ್ತೊಂದು ಐತಿಹಾಸಿಕ ಸಿನಿಮಾವಾಗಿರಲಿದೆ.