ಸದ್ಯದಲ್ಲೇ ಎಲ್ಲದಕ್ಕೂ ಉತ್ತರ ಕೊಡ್ತೀನಿ ಎಂದ ಮೇಘನಾ ಸರ್ಜಾ

ಬೆಂಗಳೂರು: ಪತಿ ಚಿರು ಸರ್ಜಾ ಸಾವಿನ ಬಳಿಕ ಮೇಘನಾ ಸರ್ಜಾ ಸೋಷಿಯಲ್ ಮೀಡಿಯಾದಿಂದಲೂ ದೂರವಿದ್ದರು. ಆದರೆ ಈ ನಡುವೆ ಅವರ ಬಗ್ಗೆ ಯೂ ಟ್ಯೂಬ್, ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಬಗೆಯ ಫೇಕ್ ನ್ಯೂಸ್ ಗಳು ಓಡಾಡುತ್ತಲೇ ಇದ್ದವು.

ತುಂಬು ಗರ್ಭಿಣಿಯಾಗಿರುವ ಮೇಘನಾ ಆರೋಗ್ಯದ ಬಗ್ಗೆ, ಮಗುವಿನ ಬಗ್ಗೆ ನಾನಾ ರೀತಿಯ ಸುದ್ದಿ ಹಬ್ಬುತ್ತಿರುವುದರಿಂದ ಬೇಸತ್ತಿರುವ ಮೇಘನಾ ಸದ್ಯದಲ್ಲೇ ಇದೆಲ್ಲದಕ್ಕೂ ವಿವರವಾದ ಉತ್ತರ ನೀಡಲಿದ್ದೇನೆ. ಅಲ್ಲಿಯವರೆಗೆ ಯಾರೂ ಸುಳ್ಳು ಸುದ್ದಿಗಳನ್ನು ಹರಡಬೇಡಿ, ನಂಬಬೇಡಿ ಎಂದು ಮನವಿ ಮಾಡಿದ್ದಾರೆ. ನನ್ನ ಬಗೆಗಿನ ಯಾವುದೇ ವಿಚಾರಗಳನ್ನು ನಾನೇ ನೇರವಾಗಿ ಹೇಳಲಿದ್ದೇನೆ ಎಂದು ಮೇಘನಾ ಸ್ಪಷ್ಟಪಡಿಸಿದ್ದಾರೆ.