ನಾಮಿನೇಟ್ ಮಾಡಿದ ಚೈತ್ರಾಗೆ ಟಕ್ಕರ್ ಕೊಟ್ಟ ಮಂಜು, ನಕ್ಕು ನಕ್ಕು ಸುಸ್ತಾದ ಮನೆಮಂದಿ

Photo Courtesy X

ಬೆಂಗಳೂರು: ಈ ವಾರ ಬಿಗ್‌ಬಾಸ್ ಮನೆ ವಿಕೃತ ರಾಜನಾಯ ಉಗ್ರಂ ಮಂಜು ಆಡಳಿತದಲ್ಲಿ ನಡೆಯುತ್ತಿದೆ. ನಿನ್ನೆ ನಡೆದ ಎಪಿಸೋಡ್‌ನಲ್ಲಿ ಉಗ್ರಂ ಮಂಜು ವಿಕೃತ ರಾಜನಾಗಿದ್ದು, ಆತನ ಸಲಹೆಗಾರನಾಗಿ ಗೋಲ್ಡ್ ಸುರೇಶ್, ದಂಡ ನಾಯಕರಾಗಿ ರಜತ್ ಹಾಗೂ ತ್ರಿವಿಕ್ರಮ್ ಅವರು ಆಡಳಿತ ನಡೆಸುತ್ತಿದ್ದಾರೆ.

ವಿಕೃತ ರಾಜನ ಶಿಕ್ಷೆಗೆ ಈಗಾಗಲೇ ಪ್ರಜೆಗಳು ಹೆದರಿದ್ದು, ರಾಜನ ಆಜ್ಞೆಯಂತೆ ಮನೆ ಮಂದಿ ವರ್ತಿಸುತ್ತಿದ್ದಾರೆ. ಇದೀಗ ಇಂದಿನ ಓಪನ್ ನಾಮಿನೇಶನ್ ಪ್ರಕ್ರಿಯೆ ಮನೆಮಂದಿಯಲ್ಲಿ ಮತ್ತಷ್ಟು ಅಸಮಾಧಾನ ಹಾಗೂ ಕಿಚ್ಚು ಹತ್ತಿಸಿದೆ.

ನಾಮಿನೇಷನ್ ವೇಳೆ ಆರೋಪ ಮತ್ತು ಪ್ರತ್ಯಾರೋಪಗಳ ಸಮರದಲ್ಲಿ ಮನೆಮಂದಿಯ ಮನಸ್ಸು ಅಲ್ಲೋಲ ಕಲ್ಲೋಲವಾಗಿದೆ. ಇದೀಗ ಕಲರ್ಸ್ ಕನ್ನಡ ವಾಹಿನಿ ಬಿಡುಗಡೆ ಮಾಡಿದ ಪ್ರೋಮೋದಲ್ಲಿ ಚೈತ್ರಾ ಅವರ ನಾಮಿನೇಷನ್ ಪ್ರಕ್ರಿಯೆಗೆ ಮನೆಮಂದಿ ನಕ್ಕು ನಕ್ಕು ಸುಸ್ತಾಗಿದ್ದಾರೆ.

ರಜತ್ ಅವರನ್ನು ನಾಮಿನೇಟ್ ಮಾಡಿದ ಚೈತ್ರಾ ಅವರು ನನ್ನನ್ನು ಬಾಸ್ ಎಂದು ಅವರು ಕರೆಯುವ ರೀತಿ ವ್ಯಂಗ್ಯವಾಗಿದೆ ಎಂದು ಕಾರಣ ಕೊಟ್ಟಿದ್ದಾರೆ. ಈ ವಿಚಾರವಾಗಿ ಇಬ್ಬರ ಮಧ್ಯೆ ವಾಕ್ಸಮರ ನಡೆದಿದೆ.