ದೊಡ್ಮನೆಗೆ ಈ ವಾರದ ಮಧ್ಯದಲ್ಲಿ ರಾಮಾಚಾರಿ ಹಾಗೂ ಚಾರು ಜೋಡಿ ಎಂಟ್ರಿಯಾಗಿದ್ದು, ಇವರನ್ನು ಮನರಂಜಿಸಲು ಸ್ಪರ್ಧಿಗಳು ಡ್ಯಾನ್ಸ್‌ ಮಾಡಿ ಒಳ್ಳೆಯ ಮನರಂಜನೆ ನೀಡಿದ್ದಾರೆ. ಇನ್ನೂ ಈ ವಾರ ಜೋಡಿ ಆಟ ಇದ್ದಿದ್ದರಿಂದ ಜೋಡಿಯಾಗಿಯೇ ಸ್ಪರ್ಧಿಗಳು ವೇದಿಕೆ ಮೇಲೆ ಹೆಜ್ಜೆ ಹಾಕಿದ್ದಾರೆ.
ಚಾರು ಹಾಗೂ ರಾಮಾಚಾರಿ ಇಬ್ಬರಿಗೆ ಈ ಟಾಸ್ಕ್‌ನ ತೀರ್ಪುಗಾರಿಕೆ ಹೊಣೆ ಕೂಡಾ ನೀಡಲಾಗಿದೆ. ಮೋಕ್ಷಿತಾ-ಧನರಾಜ್‌ ಆಚಾರ್‌, ಹನುಮಂತ-ಗೌತಮಿ ಜಾದವ್‌, ಚೈತ್ರಾ ಕುಂದಾಪುರ-ಶಿಶಿರ್‌ ಶಾಸ್ತ್ರಿ, ಐಶ್ವರ್ಯ ಶಿಂಧೋಗಿ-ಧರ್ಮ ಕೀರ್ತಿರಾಜ್‌, ತ್ರಿವಿಕ್ರಮ್-ಭವ್ಯಾಗೌಡ ಹೀಗೆ ಜೋಡಿಯನ್ನಾಗಿ ಮಾಡಲಾಗಿದೆ.
ಕಲರ್ಸ್‌ ಕನ್ನಡ ವಾಹಿನಿ ಬಿಡುಗಡೆ ಮಾಡಿದ ಪ್ರೋಮೋದಲ್ಲಿ ಐಶ್ಚರ್ಯ- ಧರ್ಮ ಇಬ್ಬರೂ ವಿಕ್ರಾಂತ್‌ ರೋಣ ಚಿತ್ರದ ರಾ ರಾ ರಕ್ಕಮ್ಮ ಹಾಡಿಗೆ ಡ್ಯಾನ್ಸ್‌ ಮಾಡಿದರೆ, ಚೈತ್ರಾ ಕುಂದಾಪುರ ಹಾಗೂ ಶಿಶಿರ್‌ ಇಬ್ಬರೂ ಮುತ್ತಣ್ಣ ಚಿತ್ರದ ಮುತ್ತಣ್ಣ ಪೀಪಿ ಊದುವ ಹಾಡಿಗೆ ಡ್ಯಾನ್ಸ್‌ ಮಾಡಿದ್ದು, ರಾಮಾಚಾರಿ ಹಾಗೂ ಚಾರು ಇಬ್ಬರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇಂದಿನ ಎಪಿಸೋಡ್‌ನಲ್ಲಿ ವಾಹಿನಿ ಹಂಚಿಕೊಂಡಿರುವ ಪ್ರೋಮೋದಲ್ಲಿ ಭವ್ಯಾ- ತ್ರಿವಿಕ್ರಮ್ ಅವರು ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ ಹಾಡಿಗೆ ರೋಮ್ಯಾಂಟಿಕ್ ಆಗಿ ಹೆಜ್ಜೆ ಹಾಕಿದ್ದಾರೆ. ಇದನ್ನು ನೋಡಿದ ಭವ್ಯ, ತ್ರಿವಿಕ್ರಮ್ ಫ್ಯಾನ್ಸ್‌ ಫಿದಾ ಆಗಿದ್ದಾರೆ. ಕೊನೆಗೂ ಕಾದು ಕುಳಿತಿದ್ದಕ್ಕೂ ಸಾರ್ಥಕವಾಯಿತು ಎಂದಿದ್ದಾರೆ.
