ಮೇನಕಾ ಇರಾನಿ ಇನ್ನಿಲ್ಲ: ಮಗಳು ಫರಾ ಖಾನ್‌ರನ್ನು ಸಂತೈಸಿದ ಶಾರುಖ್ ಖಾನ್

Photo Courtesy X

ಬಾಲಿವುಡ್‌ನ ಖ್ಯಾತ ನಿರ್ದೇಶಕಿ ಫರಾ ಖಾನ್ ಮತ್ತು ಸಾಜಿದ್ ಖಾನ್ ಅವರ ತಾಯಿ ಮೇನಕಾ ಇರಾನಿ ಅವರು ಜುಲೈ 26 ರಂದು ಹೃದಯಾಘಾತದಿಂದ ಕೊನೆಯುಸಿರೆಳೆದರು.

ಈ ಸುದ್ದಿ ತಿಳಿಯುತ್ತಿದ್ದ ಹಾಗೇ ಬಾಲಿವುಡ್‌ನ ಸೂಪರ್ ಸ್ಟಾರ್ ಶಾರುಖ್ ಖಾನ್ ಮತ್ತು ಅವರ ಪತ್ನಿ ಗೌರಿ ಖಾನ್ ಅವರು ಅಗಲಿದ ಮೇನಕಾ ಅವರ ಅಂತಿಮ ದರ್ಶನ ಪಡೆದರು. ಅದಲ್ಲದೆ ಹಿಂದಿ ಚಿತ್ರ ಗಣ್ಯರು ಮೇನಕಾ ಇರಾನಿ ಅವರ ಅಂತಿಮ ದರ್ಶನವನ್ನು ಪಡೆದರು.

ಈ ವೇಳೆ ಶಾರುಖ್ ಖಾನ್ ಅವರು ಫರಾ ಖಾನ್ ಅವರನ್ನು ಸಂತೈಸಿದರು. ಮಗಳು ಸುಹಾನಾ ಖಾನ್, ಪೂಜಾ ದದ್ಲಾನಿ ಕೂಡ ಅವರೊಂದಿಗೆ ಇದ್ದರು.

79 ವರ್ಷದ ಮೇನಕಾ ಇರಾನಿ ಅವರಿಗೆ ನಿನ್ನೆ ಹೃದಯಾಘಾತವಾಗಿ ಕೊನೆಯುಸಿರೆಳೆದರು. ಕೆಲ ದಿನಗಳ ಹಿಂದೆಯಷ್ಟೇ ಫರಾ ಖಾನ್ ಅವರು ತಮ್ಮ ತಾಯಿ ಬಹು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರೆ ಎಂದು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಹಾಕಿದ ಕೆಲವು ದಿನಗಳಲ್ಲಿ ಈ ಹೃದಯ ವಿದ್ರಾಹಕ ಘಟನೆ ನಡೆದಿದೆ.