Publish Date: Wed, 06 Sep 2017 (11:36 IST)
Updated Date: Wed, 06 Sep 2017 (11:38 IST)
ಬೆಂಗಳೂರು: ಸ್ಯಾಂಡಲ್ ವುಡ್ ನಟಿ ಶೃತಿ ಹರಿಹರನ್ ಗುಟ್ಟಾಗಿ ಮದುವೆಯಾಗಿದ್ದಾರೆ ಎಂಬ ಸುದ್ದಿ ಕಳೆದ ಕೆಲವು ದಿನಗಳಿಂದ ಹರಿದಾಡುತ್ತಿತ್ತು. ಆದರೆ ಅದಕ್ಕೆ ಇದೀಗ ಸ್ವತಃ ಶೃತಿ ಸ್ಪಷ್ಟನೆ ಕೊಟ್ಟಿದ್ದಾರೆ.
ಮದುವೆಯಾಗಿದ್ದೇನೆ ಎಂಬ ಸುದ್ದಿಯೆಲ್ಲಾ ಸುಳ್ಳು. ಆದರೆ ತಾನು ಲವ್ವಲ್ಲಿ ಬಿದ್ದಿರುವುದು ನಿಜ ಎಂದು ಶೃತಿ ಹೇಳಿದ್ದಾರೆ. ನಾನು ಮದುವೆಯಾಗಿದ್ದೇನೆ ಎನ್ನಲಾಗಿರುವ ರಾಮ್ ಕುಮಾರ್ ನನಗೆ ಮೊದಲಿನಿಂದಲೂ ಗೊತ್ತು.
ಆದರೆ ಅವರ ಜತೆ ಈಗಾಗಲೇ ಮದುವೆಯಾಗಿದೆ ಎನ್ನುವುದೆಲ್ಲಾ ಸುಳ್ಳು. ಸದ್ಯಕ್ಕೆ ಮದುವೆಯಾಗುವ ಯೋಜನೆಯಿಲ್ಲ. ನಾನು ಒಬ್ಬರನ್ನು ಪ್ರೀತಿಸುತ್ತಿರುವುದು ನಿಜ. ಆದರೆ ಅವರು ನೃತ್ಯ ನಿರ್ದೇಶಕರಲ್ಲ. ಅಷ್ಟಕ್ಕೂ ಇದೆಲ್ಲಾ ನನ್ನ ಪರ್ಸನಲ್ ವಿಷ್ಯ ಎಂದು ಶೃತಿ ಸ್ಪಷ್ಟನೆ ನೀಡಿದ್ದಾರೆ.