ಮುಂಬೈ: ನಟಿ ಆಥಿಯಾ ಶೆಟ್ಟಿ ಮತ್ತು ಕ್ರಿಕೆಟಿಗ ಕೆಎಲ್ ರಾಹುಲ್ ಅವರು ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆಂಬ ಸುದ್ದಿ ಹರಿದಾಡುತ್ತಿದ್ದೆ. ಈ ಬಗ್ಗೆ ಸ್ಟಾರ್ ಜೋಡಿ ಯಾವುದೇ ವಿಚಾರವನ್ನು ಖಚಿತಪಡಿಸಿಲ್ಲ.
ಅಥಿಯಾ ಶೆಟ್ಟಿ ಮತ್ತು ಕೆಎಲ್ ರಾಹುಲ್ ಜನವರಿ 2023 ರಲ್ಲಿ ವಿವಾಹವಾದರು. ನಟ ಸುನೀಲ್ ಶೆಟ್ಟಿ ಕೊಟ್ಟ ಸುಳಿವಿನಿಂದಾಗಿ ಈ ಸುದ್ದಿ ಹರಿದಾಡುತ್ತಿದೆ. ಹೌದು ನಟ ಸುನೀಲ್ ಕುಮಾರ್ ಅವರು, ಮಾಧುರಿ ದೀಕ್ಷಿತ್ ಅವರೊಂದಿಗೆ ಡಾನ್ಸ್ ದೀವಾನೆ ಕಾರ್ಯಕ್ರಮದ ಜಡ್ಜ್‌ ಆಗಿದ್ದಾರೆ.
ಡ್ಯಾನ್ಸ್ ರಿಯಾಲಿಟಿ ಶೋನ ಇತ್ತೀಚಿನ ಸಂಚಿಕೆಯಲ್ಲಿ, ಸುನೀಲ್ ಅವರು 'ನಾನಾ (ಅಜ್ಜ)' ಆಗುವ ಬಗ್ಗೆ ಮಾತನಾಡಿದರು.
ಸುನೀಲ್ ಶೆಟ್ಟಿ ಹೇಳಿದ್ದೇನು: ರಿಯಾಲಿಟಿ ಶೋನ ನಿರೂಪಕಿ ಭಾರತಿ ಸಿಂಗ್ ಅವರು ಯಾವ ರೀತಿಯ 'ನಾನಾ' ಎಂದು ಸುನೀಲ್ ಶೆಟ್ಟಿ ಅವರನ್ನು ಕೇಳಿದಾಗ "ಹೌದು, ಮುಂದಿನ ಸೀಸನ್ ಬಂದಾಗ (ಡ್ಯಾನ್ಸ್ ದೀವಾನೆಯಲ್ಲಿ), ನಾನು ನಾನಾ ರೀತಿಯಲ್ಲಿ ವೇದಿಕೆಯ ಮೇಲೆ ನಡೆಯುತ್ತೇನೆ. " ಎಂದಿದ್ದರು.
ಈ ಹೇಳಿಕೆಯಿಂದಾಗಿ ರಾಹುಲ್ ಹಾಗೂ ಆಥೀಯಾ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆಂಬ ಸುದ್ದಿ ಹರಿದಾಡುತ್ತಿದೆ.
ಅಥಿಯಾ ಮತ್ತು ಕೆಎಲ್ ರಾಹುಲ್ ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಜನವರಿಯಲ್ಲಿ ಆಚರಿಸಿಕೊಂಡರು. ಈ ಸಂದರ್ಭದಲ್ಲಿ, ಅವರು ತಮ್ಮ ವೈವಾಹಿಕ ಜೀವನದ ಕೆಲವು ರೋಮ್ಯಾಂಟಿಕ್ ಕ್ಷಣಗಳ ತುಣುಕನ್ನು ಹಂಚಿಕೊಂಡಿದ್ದರು.
ದಂಪತಿಗಳು ಜನವರಿ 23, 2023 ರಂದು ಅವರ ತಂದೆ ಸುನೀಲ್ ಶೆಟ್ಟಿ ಅವರ ಖಂಡಾಲ ಫಾರ್ಮ್‌ಹೌಸ್‌ನಲ್ಲಿ ಖಾಸಗಿ ಸಮಾರಂಭದಲ್ಲಿ ವಿವಾಹವಾದರು; ಮದುವೆಯಲ್ಲಿ ಆಪ್ತರು ಮತ್ತು ಕುಟುಂಬದವರು ಭಾಗವಹಿಸಿದ್ದರು.
