Publish Date: Sat, 17 Jul 2021 (10:12 IST)
Updated Date: Sat, 17 Jul 2021 (10:31 IST)
ಬೆಂಗಳೂರು: ಕಿಚ್ಚ ಸುದೀಪ್ ಅಭಿನಯದ ವಿಕ್ರಾಂತ್ ರೋಣ ಸಿನಿಮಾದ ಹಾಡೊಂದರಲ್ಲಿ ಬಾಲಿವುಡ್ ಬೆಡಗಿ ಜಾಕ್ವೆಲಿನ್ ಫರ್ನಾಂಡಿಸ್ ಕುಣಿದಿದ್ದು ಎಲ್ಲರಿಗೂ ಗೊತ್ತೇ ಇದೆ.
ಇದೀಗ ವಿಕ್ರಾಂತ್ ರೋಣ ಚಿತ್ರೀಕರಣ ಮುಕ್ತಾಯವಾಗಿದ್ದು, ನಟ ಸುದೀಪ್ ಹಾಡೊಂದರ ಚಿತ್ರೀಕರಣಕ್ಕೆ ಬಂದ ಜಾಕ್ವೆಲಿನ್ ಗೆ ವಿಶೇಷವಾಗಿ ಧನ್ಯವಾದ ಸಲ್ಲಿಸಿದ್ದಾರೆ.
ಬೆಂಗಳೂರಿನಲ್ಲಿ ವಿಶೇಷ ಸೆಟ್ ನಲ್ಲಿ ಈ ಹಾಡಿನ ಚಿತ್ರೀಕರಣ ನಡೆದಿತ್ತು. ಈ ಹಾಡಿಗೆ ನಿಮ್ಮಿಂದಾಗಿ ವಿಶೇಷ ಎನರ್ಜಿ ಬಂತು ಎಂದು ಜಾಕ್ವೆಲಿನ್ ಹೊಗಳಿರುವ ಸುದೀಪ್ ನೀವು ನೃತ್ಯ ಮಾಡಿದ್ದು ನೋಡಿ ನಾನೂ ಒಂದೆರಡು ಹೆಜ್ಜೆ ಹಾಕುವಂತಾಯಿತು ಎಂದು ಕಾಲೆಳೆದಿದ್ದಾರೆ.
ಇನ್ನು ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡಿರುವ ಜಾಕ್ವೆಲಿನ್ ಕನ್ನಡದಲ್ಲೇ ಡಬ್ಬಿಂಗ್ ಮಾಡುವುದಾಗಿ ಹೇಳಿದ್ದರಂತೆ. ದಕ್ಷಿಣ ಭಾರತದ ಭಾಷೆಯೇ ಗೊತ್ತಿಲ್ಲದೇ ಇದ್ದರೂ ತಮಗೆ ಗೊತ್ತಿರುವ ಸಿಂಹಳೀಸ್ ಭಾಷೆಯಲ್ಲೇ ಕನ್ನಡ ಡೈಲಾಗ್ ಗಳನ್ನು ಬರೆದು ಸಾಕಷ್ಟು ಹೋಂವರ್ಕ್ ಮಾಡಿದ್ದಾರೆ ಎಂದು ನಿರ್ದೇಶಕ ಅನೂಪ್ ಭಂಡಾರಿ ಸಂದರ್ಶನವೊಂದರಲ್ಲಿ ಹೊಗಳಿದ್ದಾರೆ.