ಬೆಂಗಳೂರು: ಕಿಚ್ಚ ಸುದೀಪ್ ಹೆಚ್ಚಾಗಿ ಕಪ್ಪು ಬಟ್ಟೆಯನ್ನೇ ಹಾಕುವುದೇಕೆ? ಇದಕ್ಕೆ ಕಾರಣವೇನೆಂದು ಅವರು ಹೇಳಿದ್ದಾರೆ. ನಿನ್ನೆ ಸಂಜೆ ನಡೆದ ಬೆಳ್ಳಿ ಹಬ್ಬ ಕಾರ್ಯಕ್ರಮದಲ್ಲಿ ಅವರು ಈ ವಿಚಾರ ಬಹಿರಂಗಪಡಿಸಿದ್ದಾರೆ.
ಕಿಚ್ಚ ಸುದೀಪ್ ಚಿತ್ರರಂಗಕ್ಕೆ ಬಂದು 25 ವರ್ಷಗಳಾದ ಹಿನ್ನಲೆಯಲ್ಲಿ ಕೋಟಿಗೊಬ್ಬ 3 ಸಿನಿಮಾ ತಂಡ ಬೆಳ್ಳಿ ಹಬ್ಬ ಕಾರ್ಯಕ್ರಮ ಆಯೋಜಿಸಿತ್ತು. ಈ ಕಾರ್ಯಕ್ರಮಕ್ಕೆ ಸಿಎಂ ಯಡಿಯೂರಪ್ಪ ಮುಖ್ಯ ಅತಿಥಿಯಾಗಿದ್ದರು. ಕ್ರೇಜಿ ಸ್ಟಾರ್ ರವಿಚಂದ್ರನ್, ಶಿವರಾಜ್ ಕುಮಾರ್, ರಮೇಶ್ ಅರವಿಂದ್, ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಸೇರಿದಂತೆ ಗಣ್ಯರು ಆಗಮಿಸಿ ಸುದೀಪ್ ಕುರಿತು ಮಾತನಾಡಿದರು.
ಈ ವೇಳೆ ಸುದೀಪ್ ತಾವು ಯಾವತ್ತೂ ಕಪ್ಪು ಬಟ್ಟೆ ಧರಿಸುವುದರ ಹಿಂದಿನ ರಹಸ್ಯವೇನೆಂದು ಹೇಳಿದ್ದಾರೆ. ‘ನಾನು ಕಪ್ಪು ಬಟ್ಟೆ ಧರಿಸುವುದಕ್ಕೆ ರವಿ ಸರ್ ಕಾರಣ. ಅವರು ಯಾವತ್ತೂ ಕಪ್ಪು ಬಟ್ಟೆ ಧರಿಸುತ್ತಾರೆ. ಅದಕ್ಕೆ ಕಾರಣವೇನೆಂದು ಕೇಳಿದೆ. ಅದಕ್ಕೆ ಒಂದು ಕಪ್ಪು ಬಟ್ಟೆ ಧರಿಸಿದರೆ ಬೆಳ್ಳಗೆ ಕಾಣುತ್ತೇವೆ, ಇನ್ನೊಂದು, ತೆಳ್ಳಗೆ ಕಾಣುತ್ತೇವೆ ಎಂದು ಕಾರಣ ತಿಳಿಸಿದರು. ಅದಾದ ಬಳಿಕ ನಾನೂ ಕಪ್ಪು ಬಟ್ಟೆ ಧರಿಸಲು ಆರಂಭಿಸಿದೆ’ ಎಂದಿದ್ದಾರೆ.
