ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ಕಿಚ್ಚ ಸುದೀಪ್ ಅಭಿಮಾನಿಗಳ ನಡುವಿನ ಕಿತ್ತಾಟ ಹೊಸದೇನಲ್ಲ. ಇಬ್ಬರು ಸ್ಟಾರ್ ಗಳ ಫ್ಯಾನ್ಸ್ ಅವಕಾಶ ಸಿಕ್ಕಾಗಲೆಲ್ಲಾ ಒಬ್ಬರನ್ನೊಬ್ಬರ ಕಾಲೆಳೆಯುತ್ತಲೇ ಇರುತ್ತಾರೆ.
ಈಗ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಸಿನಿಮಾ ಹೊರಬಂದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಕೆಲವು ಅಭಿಮಾನಿಗಳು ಬೇಕೆಂದೇ ಸುದೀಪ್ ಬಗ್ಗೆ, ಕೋಟಿಗೊಬ್ಬ 3 ಸಿನಿಮಾ ಪ್ರದರ್ಶನವಾಗುವ ಥಿಯೇಟರ್ ನಲ್ಲಿ ಜನವೇ ಇಲ್ಲವೆಂದು ಕುಹುಕವಾಡಿದ್ದಾರೆ.
ಇದಕ್ಕೆ ಸುದೀಪ್ ಅಭಿಮಾನಿಗಳೂ ತಿರುಗೇಟು ನೀಡಿದ್ದು, ಯಾವುದೇ ಸಿನಿಮಾದ ರಿವ್ಯೂ ವಿಡಿಯೋ ಬಳಸಿ ಕೋಟಿಗೊಬ್ಬ 3 ಸಿನಿಮಾ ರಿವ್ಯೂ ಅಂತ ತಪ್ಪು ಹಾದಿಗೆಳೆಯಬೇಡಿ ಎಂದು ತಿರುಗೇಟು ನೀಡಿದ್ದಾರೆ.