ಬೆಂಗಳೂರು: ಲಾಕ್ ಡೌನ್ ನಿಂದಾಗಿ ಇಡೀ ಚಿತ್ರರಂಗದ ಕೆಲಸ ಕಾರ್ಯಗಳೇ ಸ್ಥಗಿತವಾಗಿದ್ದವು. ಹಲವು ಸಿನಿಮಾಗಳು ಇನ್ನೂ ಬಿಡುಗಡೆಗೆ ಕಾದು ನಿಂತಿವೆ. ಈ ನಡುವೆ ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳಿಗೂ ನಿರಾಸೆ ಕಾದಿದೆ.
ಕೆಜಿಎಫ್ 2 ಸಿನಿಮಾ ಅಕ್ಟೋಬರ್ ಅಂತ್ಯದ ವೇಳೆಗೆ ಬಿಡುಗಡೆಯಾಗುತ್ತದೆ ಎಂದು ಈಗಾಗಲೇ ಚಿತ್ರತಂಡ ಘೋಷಿಸಿದೆ. ಆದರೆ ಲಾಕ್ ಡೌನ್, ಕೊರೋನಾದಿಂದಾಗಿ ಸಿನಿಮಾದ ಚಿತ್ರೀಕರಣವೇ ಪೂರ್ತಿಯಾಗಿಲ್ಲ. ಆಗಸ್ಟ್ 15 ರ ನಂತರ ಚಿತ್ರೀಕರಣ ನಡೆಯಲಿದೆಯಾದರೂ ಇದುವರೆಗೆ ಅಧಿಕೃತ ಪೋಸ್ಟರ್ ಬಿಟ್ಟರೆ ಚಿತ್ರತಂಡ ಏನನ್ನೂ ಹೊರಬಿಟ್ಟಿಲ್ಲ.
ಕೆಜಿಎಫ್ 2 ಬಗ್ಗೆ ಕೇವಲ ಸ್ಯಾಂಡಲ್ ವುಡ್ ನಲ್ಲಿ ಮಾತ್ರವಲ್ಲ, ಬೇರೆ ಭಾಷೆಯಲ್ಲೂ ಭಾರೀ ಕ್ರೇಜ್ ಇದೆ. ಹೀಗಾಗಿ ಅದನ್ನು ಅವಸರದಲ್ಲಿ ಬಿಡುಗಡೆ ಮಾಡುವುದಂತೂ ಸಾಧ‍್ಯವಿಲ್ಲ. ಹಾಗಾಗಿ ಚಿತ್ರ ಬಿಡುಗಡೆ ದಿನಾಂಕ ಮುಂದೂಡಿಕೆಯಾದರೂ ಅಚ್ಚರಿಯಿಲ್ಲ.
