ಒಂದೇ ದಿನ ಶೂಟಿಂಗ್ ಆರಂಭಿಸಲಿರುವ ಕಾಂತಾರ 1, ಟಾಕ್ಸಿಕ್

Photo Courtesy: Twitter

ಬೆಂಗಳೂರು: ಕನ್ನಡ ಚಿತ್ರ ಪ್ರೇಮಿಗಳು ಬಹುನಿರೀಕ್ಷೆಯಿಂದ ಕಾದಿರುವ ಸಿನಿಮಾಗಳೆಂದರೆ ಟಾಕ್ಸಿಕ್ ಮತ್ತು ಕಾಂತಾರ ಚಾಪ್ಟರ್ 1 ಸಿನಿಮಾಗಳು. ಈ ಸಿನಿಮಾ ತಂಡದ ಕಡೆಯಿಂದ ಈಗ ಬಿಗ್ ಅಪ್ ಡೇಟ್ ಸಿಕ್ಕಿದೆ.

ರಾಕಿಂಗ್ ಸ್ಟಾರ್ ಯಶ್ ಟಾಕ್ಸಿಕ್ ಸಿನಿಮಾದ ನಾಯಕ. ಕೆಜಿಎಫ್ 2 ರ ಬಿಗ್ ಸಕ್ಸಸ್ ಬಳಿಕ ಯಶ್ ಸಾಕಷ್ಟು ಹೋಂ ವರ್ಕ್ ಮಾಡಿಕೊಂಡು ನಟಿಸುತ್ತಿರುವ ಸಿನಿಮಾ ಟಾಕ್ಸಿಕ್. ಈ ಸಿನಿಮಾ ತಂಡ ಒಂದು ಪೋಸ್ಟರ್ ಹರಿಬಿಟ್ಟು ಸಂಚಲನ ಮೂಡಿಸಿತ್ತು. ಮಲಯಾಳಂ ನಿರ್ದೇಶಕಿ ಗೀತು ಮೋಹನ್ ದಾಸ್ ಸಿನಿಮಾಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಯಶ್ ಎಲ್ಲೇ ಹೋದರೂ ಟಾಕ್ಸಿಕ್ ಸಿನಿಮಾ ಯಾವಾಗ ಶುರುವಾಗುತ್ತದೆ ಎಂದು ಕೇಳುತ್ತಲೇ ಇದ್ದರು. ಅದಕ್ಕೀಗ ಉತ್ತರ ಸಿಕ್ಕಿದೆ. ಇದೇ ಏಪ್ರಿಲ್ 15 ರಿಂದ ಟಾಕ್ಸಿಕ್ ಮೂವಿ ಶೂಟಿಂಗ್ ಶುರುವಾಗಲಿದೆ ಎಂಬ ಮಾಹಿತಿ ಬಂದಿದೆ. ವಿಶೇಷವೆಂದರೆ ರಿಷಬ್ ಶೆಟ್ಟಿ ನಿರ್ದೇಶಿಸಿ, ನಟಿಸುತ್ತಿರುವ ಕಾಂತಾರ ಚಾಪ್ಟರ್ 1 ಸಿನಿಮಾ ತಂಡ ಕೂಡಾ ಅದೇ ದಿನ ಶೂಟಿಂಗ್ ಆರಂಭಿಸುತ್ತಿದೆ.

ಕಾಂತಾರ ಚಾಪ್ಟರ್ 1 ರ ಶೂಟಿಂಗ್ ನ್ನೂ ರಿಷಬ್ ವಿಷು ಹಬ್ಬದ ಸಂದರ್ಭದಲ್ಲಿ ಏಪ್ರಿಲ್ 15 ರಂದು ಶೂಟಿಂಗ್ ಶುರು ಮಾಡಲಿದ್ದಾರೆ. ಟಾಕ್ಸಿಕ್ ಮೂವಿ ಸಿನಿಮಾ ಶೂಟಿಂಗ್ ಬೆಂಗಳೂರು, ಗೋವಾದಲ್ಲಿ ನಡೆಯಲಿದೆ. ಆದರೆ ಕಾಂತಾರ ಸಿನಿಮಾ ಶೂಟಿಂಗ್ ರಿಷಬ್ ಶೆಟ್ಟಿ ತವರು ಕುಂದಾಪುರದಲ್ಲಿ ಆರಂಭವಾಗುತ್ತಿದೆ.