ಉಟ್ಟ ಬಟ್ಟೆಯಲ್ಲಿ ಆಸ್ಪತ್ರೆಗೆ ಓಡಿದ್ದ ಜಗ್ಗೇಶ್!

ಬೆಂಗಳೂರು: ನವರಸನಾಯಕ ಜಗ್ಗೇಶ್ ಆಗಾಗ ತಮ್ಮ ಸಾಮಾಜಿಕ ಜಾಲತಾಣ ಪುಟದಲ್ಲಿ ಹಳೆಯ ದಿನಗಳ ಮೆಲುಕು ಹಾಕುತ್ತಿರುತ್ತಾರೆ. ಇದೀಗ ಭಂಡ ನನ್ನ ಗಂಡ ಸಿನಿಮಾ ಶೂಟಿಂಗ್ ದಿನಗಳನ್ನು ನೆನೆಸಿಕೊಂಡಿದ್ದಾರೆ.

ಈ ಸಿನಿಮಾದಲ್ಲಿ ಜಗ್ಗೇಶ್ ಹಾಡೊಂದರಲ್ಲಿ ಮಹಿಳಾಮಣಿಗಳಿಂದ ಮಂಗಳಾರತಿ ಮಾಡಿಸಿಕೊಳ್ಳುತ್ತಾರೆ. ಈ ಹಾಡಿನಲ್ಲಿ ಅವರು ವಿಚಿತ್ರವಾಗಿ ವೇಷಭೂಷಣ ಧರಿಸಿರುತ್ತಾರೆ. ಆವತ್ತು ಜಗ್ಗೇಶ್ ಪತ್ನಿ ಪರಿಮಳಾ ಎರಡನೇ ಪುತ್ರ ಯತಿರಾಜ್ ಗೆ ಜನ್ಮ ನೀಡಿದ್ದರಂತೆ. ಸುದ್ದಿ ತಿಳಿದು ಅದೇ ಬಟ್ಟೆಯಲ್ಲೇ ಜಗ್ಗೇಶ್ ಆಸ್ಪತ್ರೆಗೆ ಓಡಿದ್ದರಂತೆ.

ಅಂದ ಹಾಗೆ ಈ ಸಿನಿಮಾಗೆ ಆ ಕಾಲದಲ್ಲಿ 16 ಲಕ್ಷ ಬಂಡವಾಳ ಹೂಡಿ 67 ಲಕ್ಷ ರೂ. ಕೊಳ್ಳೆ ಹೊಡೆದಿತ್ತಂತೆ. ಆ ಕಾಲದಲ್ಲಿಯೇ ದಾಖಲೆಗಳನ್ನೆಲ್ಲಾ ಮಾಡಿದ ನಾನು ಇಂದು ರಾಯರ ನೆನೆದು ನಗುತಲಿರುವೆ ಎಂದು ಜಗ್ಗೇಶ್ ಹಳೆಯ ದಿನಗಳನ್ನು ಮೆಲುಕು ಹಾಕಿಕೊಂಡಿದ್ದಾರೆ.