ದೀಪಿಕಾ ಪಡುಕೋಣೆ ಜತೆ ಹಳೆ ನೆನಪು ಹಂಚಿಕೊಂಡ ಇಂದ್ರಜಿತ್ ಲಂಕೇಶ್

Photo Courtesy X

ಫ್ಲ್ಯಾಶ್‌ಬ್ಯಾಕ್ ಶುಕ್ರವಾರದ ಉತ್ಸಾಹದಲ್ಲಿ ಬಾಲಿವುಡ್ ಖ್ಯಾತ ನಟಿ ದೀಪಿಕಾ ಪಡುಕೋಣೆ ಅವರು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಐಶ್ವರ್ಯ ಸಿನಿಮಾದ ಶೂಟಿಂಗ್ ದಿನದ ಫೋಟೋಗಳನ್ನು ಹಂಚಿಕೊಳ್ಳಲಾಗಿದೆ.

ಚಿತ್ರಗಳನ್ನು ಎಕ್ಸ್‌ನಲ್ಲಿ ನಟಿಗೆ ಮೀಸಲಾಗಿರುವ ಅಭಿಮಾನಿಗಳ ಕ್ಲಬ್‌ನಿಂದ ಪೋಸ್ಟ್ ಮಾಡಲಾಗಿದೆ.

ಐಶ್ವರ್ಯ ಸಿನಿಮಾದ ಶೂಟಿಂಗ್‌ ದಿನಗಳಲ್ಲಿ ನಟಿ ದೀಪಿಕಾ ಜತೆಗಿರುವ ಚಿತ್ರಗಳನ್ನು ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಹಂಚಿಕೊಂಡಿದ್ದಾರೆ.

ಸದ್ಯ ಬಾಲಿವುಡ್‌ನ ಬಹುಬೇಡಿಕೆಯ ನಟಿ ದೀಪಿಕಾ ಪಡುಕೋಣೆ ಅವರು 2006ರಲ್ಲಿ ಕನ್ನಡದ 'ಐಶ್ವರ್ಯ' ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಪಾದರ್ಪಣೆ ಮಾಡಿದರು. 2007ರಲ್ಲಿ ಫರಾಹ್ ಖಾನ್ ಅವರ ಶಾರುಖ್ ಖಾನ್ ನಟನೆಯ 'ಓಂ ಶಾಂತಿ ಓಂ' ಸಿನಿಮಾ ಮೂಲಕ ಬಾಕಿವುಡ್‌ಗೆ ಲಗ್ಗೆಯಿಟ್ಟ ಅವರು ತಮ್ಮ ನಟನೆ ಮೂಲಕ ಇಂದು ಭಾರತದ ಚಿತ್ರರಂಗದಲ್ಲಿ ಸ್ಟಾರ್ ನಟಿಯಾಗಿ ಮಿಂಚುತ್ತಿದ್ದಾರೆ.

ಫೋಟೋಗಳನ್ನು ಮೂಲತಃ ಚಿತ್ರ ನಿರ್ಮಾಪಕ ಇಂದ್ರಜಿತ್ ಲಂಕೇಶ್ ಹಂಚಿಕೊಂಡಿದ್ದಾರೆ.

ದೀಪಿಕಾ ಪಡುಕೋಣೆ ಹಾಗೂ ರಣವೀರ್ ಸಿಂಗ್ ಅವರು ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದು, ಈ ಸ್ಟಾರ್ ಜೋಡಿ ಈ ವರ್ಷದ ಫೆಬ್ರವರಿಯಲ್ಲಿ ಮೊದಲ ಮಗುವನ್ನು ಸ್ವಾಗತಿಸಲಿದ್ದಾರೆ.

ಈಚೆಗೆ ಇವರ ನಟ ಹೃತಿಕ್ ರೋಷನ್ ಜತೆ ಫೈಟರ್ ಚಿತ್ರದಲ್ಲಿ ಅಭಿನಯಿಸಿದ್ದರು. ಸದ್ಯ ಬಿಡುವಿಲ್ಲದ ವೇಳಾಪಟ್ಟಿಯನ್ನು ಹೊಂದಿರುವ ದೀಪಿಕಾ ಅವರು ಕಲ್ಕಿ 2898 - AD ಯಲ್ಲಿ ಪ್ರಭಾಸ್, ಅಮಿತಾಬ್ ಬಚ್ಚನ್ ಮತ್ತು ಕಮಲ್ ಹಾಸನ್ ಅವರೊಂದಿಗೆ ನಟಿಸಲಿದ್ದಾರೆ. ಕೆಲ ದಿನಗಳ ಹಿಂದೆ ಇವರು 'ಸಿಂಗಮ್ ಎಗೇನ್‌' ಸಿನಿಮಾದ ಶೂಟಿಂಗ್ ಸೆಟ್‌ನಲ್ಲಿ ಕಾಣಿಸಿಕೊಂಡಿದ್ದರು.

<>