ಅಕ್ರಮ ಚಿನ್ನ ಸಾಗಣೆ ಪ್ರಕರಣ: ಬೆಚ್ಚಿಬೀಳಿಸುತ್ತೆ ರನ್ಯಾ ರಾವ್‌ ಮಾಸ್ಟರ್ ಮೈಂಡ್‌

ಅಕ್ರಮವಾಗಿ ಕೋಟ್ಯಾಂತರ ರೂಪಾಯಿ ಮೌಲ್ಯದ ಚಿನ್ನವನ್ನು ಕಳ್ಳಸಾಗಣೆ ಮಾಡಿ, ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಕನ್ನಡ ನಟಿ ರನ್ಯಾ ರಾವ್‌ ಪ್ರಕರಣ ಸಂಬಂಧ ಮತ್ತಷ್ಟು ವಿಚಾರಗಳು ಬಹಿರಂಗವಾಗಿದೆ. 

ಕಸ್ಟಮ್ಸ್ ಅಧಿಕಾರಿಗಳಿಗೆ ತಪ್ಪು ಮಾಹಿತಿ ನೀಡಿ ನಕಲಿ ಡಿಕ್ಲರೇಷನ್‌ ಪತ್ರ ನೀಡಿ ಚಿನ್ನ ಕಳ್ಳಸಾಗಾಟ ಮಾಡುತ್ತಿರುವುದು ಬೆಳಕಿಗೆ ಬಂದಿದೆ. ದುಬಾೖ ಕಸ್ಟಮ್ಸ್ ಅಧಿಕಾರಿಗಳನ್ನು ಯಾಮಾರಿಸಿದ್ದ ರನ್ಯಾ ರಾವ್‌ ಸ್ವಿಟ್ಜರ್ಲೆಂಡ್‌ ಮತ್ತು ಯುಎಸ್‌ಎಗೆ ಚಿನ್ನ ಕೊಂಡೊಯ್ಯುತ್ತಿರುವುದಾಗಿ ಹೇಳಿಕೊಂಡು ಭಾರತ ಸೇರಿದಂತೆ ಇತರ ದೇಶಗಳಿಗೂ ಪೂರೈಸುತ್ತಿರುವುದು ಬೆಳಿಕಿಗೆ ಬಂದಿದೆ. 

ಚಿನ್ನ ಪೂರೈಸುತ್ತಿದ್ದ ದುಬಾೖ, ಉಗಾಂಡ ಹಾಗೂ ಇತರ ದೇಶಗಳ ಪೂರೈಕೆದಾರರಿಗೆ ಹವಾಲಾ ಮತ್ತು ನಗದು ರೂಪದಲ್ಲಿ ಹಣ ಪಾವತಿಸುತ್ತಿದ್ದರು.

ಈ ಸಂಬಂಧ ಇದೀಗೆ ರನ್ಯಾ ರಾವ್‌ಗೆ ಸೇರಿದ್ದ ₹34 ಕೋಟಿ ರೂಪಾಯಿಗೂ ಹೆಚ್ಚು ಮೌಲ್ಯದ ಆಸ್ತಿಯನ್ನು ಜಾರಿ ನಿರ್ದೇಶನಾಲಯ (ಇಡಿ) ಮುಟ್ಟುಗೋಲು ಹಾಕಿಕೊಂಡಿದೆ. 

"ತನಿಖೆಯ ಸಮಯದಲ್ಲಿ ಗುರುತಿಸಲಾದ ಅಪರಾಧದ ಪತ್ತೆ ಮಾಡದ ಆದಾಯಕ್ಕೆ ಸಮಾನವಾದ ಆಸ್ತಿಯ ಮೌಲ್ಯದಂತೆ ಹಣ ವರ್ಗಾವಣೆ ತಡೆ ಕಾಯಿದೆಯ ಸೆಕ್ಷನ್ 5 (1) ರ ಪ್ರಕಾರ ಲಗತ್ತುಗಳನ್ನು ಮಾಡಲಾಗಿದೆ" ಎಂದು ಇಡಿ ಹೇಳಿದೆ.

ಮಾರ್ಚ್ 3 ರಂದು, ಆದಾಯ ಗುಪ್ತಚರ ನಿರ್ದೇಶನಾಲಯ (ಡಿಆರ್‌ಐ) ರಾವ್ ಅವರನ್ನು ದುಬೈನಿಂದ ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಬಂಧಿಸಿ, ಆಕೆಯ ವಶದಿಂದ 12.56 ಕೋಟಿ ರೂಪಾಯಿಗೂ ಹೆಚ್ಚು ಮೌಲ್ಯದ 14.2 ಕೆಜಿ ಚಿನ್ನದ ತುಂಡುಗಳನ್ನು ವಶಪಡಿಸಿಕೊಂಡಿದೆ. ಮಾರ್ಚ್ 9 ರಂದು DRI ರಾವ್ ಅವರ ಸಹಚರ ತೆಲುಗು ನಟ ತರುಣ್ ಕೊಂಡೂರು ಅವರನ್ನು ಬಂಧಿಸಿತು.

"ತರುಣ್ ಕೊಂಡೂರು ರಾಜು ಮತ್ತು ಇತರರೊಂದಿಗೆ ಸಕ್ರಿಯ ಸಹಯೋಗದಲ್ಲಿ ರನ್ಯಾ ರಾವ್ ಅವರು ಭಾರತಕ್ಕೆ ಚಿನ್ನವನ್ನು ಕಳ್ಳಸಾಗಣೆ ಮಾಡಲು ವ್ಯವಸ್ಥಿತ ಕಾರ್ಯಾಚರಣೆಯನ್ನು ಆಯೋಜಿಸಿದ್ದಾರೆ. ದುಬೈ, ಉಗಾಂಡಾ ಮತ್ತು ಇತರ ನ್ಯಾಯವ್ಯಾಪ್ತಿಗಳಲ್ಲಿ ನೆಲೆಸಿರುವ ಪೂರೈಕೆದಾರರಿಂದ ಚಿನ್ನವನ್ನು ಸಂಗ್ರಹಿಸಲಾಗಿದೆ ಮತ್ತು ಹಣದಲ್ಲಿ ಹವಾಲಾ ಮಾರ್ಗಗಳ ಮೂಲಕ ಪಾವತಿಗಳನ್ನು ಮಾಡಲಾಗಿದೆ, ಆ ಮೂಲಕ ಹಣಕಾಸಿನ ವ್ಯವಹಾರವನ್ನು ಮಾಡಿದ್ದಾರೆ. 

<>