ನಿಮ್ಮನ್ನು ತುಂಬಾನೇ ಮಿಸ್ ಮಾಡುತ್ತೇನೆ, ಅಜ್ಜಿ ನೆನೆದು ಸಾನ್ವಿ ಸುದೀಪ್ ಭಾವುಕ ಪೋಸ್ಟ್‌

Photo Courtesy X

ಬೆಂಗಳೂರು: ನಟ ಕಿಚ್ಚ ಸುದೀಪ್ ತಮ್ಮ ತಾಯಿಯನ್ನು ಕಳೆದುಕೊಂಡು ಆಘಾತಗೊಂಡಿದ್ದಾರೆ. ತಾಯಿಯನ್ನು ತುಂಬಾನೇ ಪ್ರೀತಿಸುತ್ತಿದ್ದ ಕಿಚ್ಚ ಸುದೀಪ್ ಅವರು ತಮ್ಮ ತಾಯಿಯ ಅಗಲಿಕೆಯನ್ನು ನೆನೆದು ಬಾವುಕರಾಗಿ ಪತ್ರ ಬರೆದು ಸಾಮಾಜಿಕ ಜಾಲತಾಣದಲ್ಲಿ ಫೋಸ್ಟ್ ಹಾಕಿಕೊಂಡಿದ್ದರು.

ಇತ್ತ ಅಜ್ಜಿಯ ಅಗಲಿಕೆಯ ನೆನೆದು ಸಾನ್ವಿ ಸುದೀಪ್ ಭಾವುಕರಾಗಿ ಇನ್‌ಸ್ಟಾಗ್ರಾಂನಲ್ಲಿ ಫೋಟೋ ಹಂಚಿ ಬರೆದುಕೊಂಡಿದ್ದಾರೆ.

ಬೆಳಗ್ಗೆ ಎದ್ದ ತಕ್ಷಣ ನೀವು ಕಳುಹಿಸುತ್ತಿದ್ದ ಸಂದೇಶವನ್ನು ಮಿಸ್ ಮಾಡುತ್ತೇನೆ. ನೀವು ತಯಾರಿಸುತ್ತಿದ್ದ ಆಹಾರವನ್ನು ಮಿಸ್ ಮಾಡುತ್ತೇನೆ. ನಾನು ಮನೆಗೆ ಬಂದಾಗ ನನಗಾಗಿ ಹೊರಗಡೆ ಕಾಯುತ್ತಿದ್ದ ನಿಮ್ಮನ್ನು ಮಿಸ್ ಮಾಡುತ್ತೇನೆ. ನನಗೆ ಆಶೀರ್ವಾದ ಬೇಕಾದಾಗ ನಿಮ್ಮ ಪಾದಗಳಿಗೆ ಬೀಳುವುದನ್ನು ನಾನು ಮಿಸ್ ಮಾಡುತ್ತೇನೆ. ನಾನು ಬಂದಾಗಲೆಲ್ಲಾ ನನ್ನ ಬೆನ್ನನ್ನು ಕಚಗುಳಿಸು ಎಂದು ಕೇಳುತ್ತಿದ್ದನ್ನು ಮಿಸ್ ಮಾಡುತ್ತೇನೆ.  ಎಲ್ಲಕ್ಕಿಂತ ಹೆಚ್ಚಾಗಿ ನಾನು ನಿನ್ನನ್ನು ಮಿಸ್ ಮಾಡುತ್ತೇನೆ ಎಂದು ಅಜ್ಜಿಯ ಬಗ್ಗೆ ಭಾವುಕರಾಗಿ ಪೋಸ್ಟ್ ಹಾಕಿಕೊಂಡಿದ್ದಾರೆ.

ಅಂದಹಾಗೆ ವಯೋಸಹಜ ಕಾಯಿಲೆಯಿಂದ ಸುದೀಪ್ ಅವರ ತಾಯಿ ಭಾನುವಾರ ಬೆಳಗ್ಗೆ ನಿಧನರಾದರು. ಅದೇ ದಿನ ಸಂಜೆ ವಿಲ್ಸನ್ ಗಾರ್ಡನ್ ಚಿತಾಗಾರದಲ್ಲಿ ಸರೋಜಾ ಅವರ ಅಂತ್ಯಕ್ರಿಯೆ ನಡೆಯಿತು.