ಹೌದು. ಅವರೇ ನಟ ಜ್ಯೂನಿಯರ್ ನರಸಿಂಹರಾಜು. ಇವರು ಸಿನಿಮಾರಂಗಕ್ಕೆ ಬಂದು 40 ವರ್ಷಗಳ ನಂತರ ಇದೀಗ ತಮ್ಮ ಹೆಸರು ಬದಲಿಸಿಕೊಳ್ಳುವ ಯೋಚನೆ ಮಾಡಿದ್ದಾರೆ. ಈಗ ಇವರು ತಮ್ಮ ಜ್ಯೂ. ನರಸಿಂಹರಾಜು ಹೆಸರಿನ ಬದಲು ಮೈಸೂರು ನರಸಿಂಹರಾಜು ಎಂದು ಇಟ್ಟುಕೊಂಡಿದ್ದಾರೆ. ಇದಕ್ಕೆ ಕಾರಣವೆನೆಂಬುದನ್ನು ಕೂಡ ಅವರೇ ತಿಳಿಸಿದ್ದಾರೆ. ‘ನಾನು ಚಿತ್ರರಂಗಕ್ಕೆ ಬಂದಾಗ ನನ್ನ ಬಿಟ್ಟು ಮತ್ತಿಬ್ಬರು ಜ್ಯೂನಿಯರ್ ಗಳು ಇದ್ದರು.
ಈಗ ಬಹಳಷ್ಟು ಮಂದಿ ತಮ್ಮ ಹೆಸರಿನ ಮೊದಲು ಜ್ಯೂ. ಸೇರಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಇಷ್ಟು ವಯಸ್ಸಾದರೂ ಜ್ಯೂನಿಯರ್ ಆಗಿ ಇದ್ದರೆ ಸೀನಿಯರ್ ಆಗುವುದು ಯಾವಾಗ ಎಂದು ಸ್ನೇಹಿತರು ರೇಗಿಸುತ್ತಾರಂತೆ. ಈ ಕಾರಣಕ್ಕೆ ಜ್ಯೂ. ನರಸಿಂಹರಾಜು ಇನ್ನು ಮುಂದೆ ಮೈಸೂರು ನರಸಿಂಹರಾಜು ಆಗುತ್ತಿದ್ದೇನೆ’ ಎಂದು ತಿಳಿಸಿದ್ದಾರೆ.
ಇವರು ಪಕ್ಕಾ ಕಳ್ಳ, ಮಲ್ಲಿಗೆ ಸಂಪಿಗೆ, ಗಂಡುಗಲಿ ರಾಮ, ರಂಗನಾಯಕಿ, ತಾಯಿಯ ಮಡಿಲಲ್ಲಿ, ಜೈ ಕರ್ನಾಟಕ ಸೇರಿ ಬಹಳಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
