ಬೆಂಗಳೂರು: ಗೀತಾ ಸಿನಿಮಾದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ವರನಟ ಡಾ. ರಾಜ್ ಕುಮಾರ್ ಜತೆ ತೆರೆ ಹಂಚಿಕೊಳ್ಳಲಿದ್ದಾರೆ! ಹೇಗೆ ಅಂತೀರಾ?
ಈಗಾಗಲೇ ಟೀಸರ್, ಟ್ರೈಲರ್ ವೀಕ್ಷಿಸಿದವರಿಗೆ ಈ ಸಿನಿಮಾದಲ್ಲಿ ಗೋಕಾಕ್ ಚಳವಳಿಯ ತುಣುಕುಗಳಿರುವುದು ಗೊತ್ತಿರುತ್ತದೆ. ಕನ್ನಡ ಪರ ಹೋರಾಟದ ಹಿನ್ನಲೆಯ ಕತೆಯಿರುವ ಗೀತಾ ಸಿನಿಮಾದಲ್ಲಿ ಡಾ. ರಾಜ್ ನೇತೃತ್ವ ವಹಿಸಿದ್ದ ಗೋಕಾಕ್ ಕನ್ನಡ ಚಳವಳಿಯ ಕೆಲವು ದೃಶ್ಯಗಳನ್ನು ತೋರಿಸಲಾಗಿದೆ.
ಆ ಮೂಲಕ ಡಾ.ರಾಜ್ ಜತೆ ತೆರೆ ಹಂಚಿಕೊಂಡಷ್ಟೇ ಖುಷಿಯಲ್ಲಿ ಗಣೇಶ್ ಇದ್ದಾರೆ. ಈ ಸಿನಿಮಾದಲ್ಲಿ ಡಾ. ರಾಜ್ ಜತೆಗೆ ಹಳೆಯ ನಟರನ್ನೂ ಕಾಣಬಹುದಾಗಿದೆ. ಹೀಗಾಗಿ ಈ ಸಿನಿಮಾ ಬಗ್ಗೆ ಪ್ರೇಕ್ಷಕರಲ್ಲಿ ಕುತೂಹಲ ಹೆಚ್ಚಿದೆ.
