ಗೋಲ್ಡನ್ ಸ್ಟಾರ್ ಗಣೇಶ್ ರೊಮ್ಯಾಂಟಿಕ್ ಹಾಡು ನಾಳೆ ರಿಲೀಸ್

ಬೆಂಗಳೂರು: ಗೀತಾ ಸಿನಿಮಾ ಬಿಡುಗಡೆ ಹೊಸ್ತಿಲಲ್ಲಿರುವ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿಮಾನಿಗಳಿಗೆ ನಾಳೆ ಮತ್ತೊಂದು ರಸದೌತಣ ಸಿಗಲಿದೆ.

ಕಳೆದ ವಾರವಷ್ಟೇ ಪುನೀತ್ ರಾಜ್ ಕುಮಾರ್ ಹಾಡಿದ್ದ ಕನ್ನಡ ಥೀಮ್ ಸಾಂಗ್ ಬಿಡುಗಡೆಯಾಗಿತ್ತು. ಈ ಹಾಡಿಗೆ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಈ ಹಾಡು ಕೇಳಿದವರು ಗೋಲ್ಡನ್ ಸ್ಟಾರ್ ಗೆ ಬ್ರೇಕ್ ಸಿಗೋದು ಗ್ಯಾರಂಟಿ ಎಂದು ಮಾತಾಡಿಕೊಂಡಿದ್ದರು.

ಈಗ ಗೀತಾ ಸಿನಿಮಾದ ಮತ್ತೊಂದು ಹಾಡು ಬಿಡುಗಡೆಯಾಗುತ್ತಿದೆ. ಹೇಳದೇ ಕೇಳದೇ ಎನ್ನುವ ರಾಜೇಶ್ ಕೃಷ್ಣನ್ ಮತ್ತು ಅನನ್ಯ ಭಟ್ ಹಾಡಿದ ರೊಮ್ಯಾಂಟಿಕ್ ಹಾಡೊಂದು ನಾಳೆ ಆನಂದ್ ಅಡಿಯೋ ಯೂ ಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆಯಾಗಲಿದೆ.