ಬೆಂಗಳೂರು: ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಯೋಗರಾಜ್ ಭಟ್ ಕಾಂಬಿನೇಷನ್ ನ ಗಾಳಿಪಟ2 ಸಿನಿಮಾ ಅನೌನ್ಸ್ ಆಗಿ ಎಷ್ಟೋ ದಿನ ಕಳೆದಿವೆ. ಆದರೆ ಇನ್ನೂ ಶೂಟಿಂಗ್ ಶುರುವಾಗಿರಲಿಲ್ಲ.
ಅದಕ್ಕೆ ಚಿತ್ರತಂಡ ಹಲವು ಕಾರಣಗಳನ್ನೂ ನೀಡಿತ್ತು. ಶೂಟಿಂಗ್ ಗೆ ನಿಗದಿಯಾಗಿದ್ದ ಉತ್ತರ ಕರ್ನಾಟಕದ ಕೆಲವು ಪ್ರದೇಶಗಳು ನೆರೆಯಿಂದಾಗಿ ಹಾಳಾದ ಕಾರಣ ಶೂಟಿಂಗ್ ನಿಧಾನವಾಗಿದೆ ಎನ್ನಲಾಗಿತ್ತು. ಇದರ ಜತೆಗೆ ನಾಯಕಿಯರ ಹುಡುಕಾಟಕ್ಕಾಗಿ ಭಟ್ಟರು ತುಂಬಾ ಸಮಯ ತೆಗೆದುಕೊಂಡರು.
ಇದೀಗ ಕೊನೆಗೂ ಶೂಟಿಂಗ್ ಶುರುವಾಗುತ್ತಿದೆ. ಡಿಸೆಂಬರ್ 2 ರಿಂದ ಕುದುರೆ ಮುಖದಲ್ಲಿ ಗಾಳಿಪಟ2 ಸಿನಿಮಾಗೆ ಚಾಲನೆ ನೀಡಲು ಭಟ್ಟರು ಯೋಜನೆ ರೂಪಿಸಿದ್ದಾರೆ. ಇದರ ಜತೆಗೆ ‘ಪದವಿ ಪೂರ್ವ’ ಎನ್ನುವ ಹೊಸ ಸಿನಿಮಾ ನಿರ್ಮಾಣ ಕೆಲಸವನ್ನೂ ಭಟ್ಟರು ಕೈಗೆತ್ತಿಕೊಂಡಿದ್ದಾರೆ. ಹೀಗಾಗಿ ಮುಂದಿನ ವರ್ಷ ಯೋಗರಾಜ್ ಭಟ್ ಗೆ ಪ್ರಮುಖವಾಗಲಿದೆ.
