ಇಂದು ಬಿಡುಗಡೆಯಾಗಲಿದೆ ಈ ನಾಲ್ಕು ಕುತೂಹಲಕಾರಿ ಸಿನಿಮಾ

ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ಇಂದು ನಾಲ್ಕು ಕುತೂಹಲ ಕೆರಳಿಸಿರುವ ಸಿನಿಮಾಗಳು ಒಂದೇ ದಿನ ಬಿಡುಗಡೆಯಾಗುತ್ತಿದ್ದು, ಈ ವೀಕೆಂಡ್ ಹಬ್ಬ ಮಾಡಬಹುದು.

ವಿಜಯ್ ರಾಘವೇಂದ್ರ ವಯಸ್ಸಾದ ಗೆಟಪ್ ನಲ್ಲಿ ಕಾಣಿಸಿಕೊಂಡಿರುವ ನೈಜ ಘಟನೆಯಾಧಾರಿತ ಕತೆಯುಳ್ಳ ಸಿನಿಮಾ ಮಾಲ್ಗುಡಿ ಡೇಸ್ ಇಂದು ಬಿಡುಗಡೆಯಾಗುತ್ತಿದೆ. ಈಗಾಗಲೇ ಹಾಡುಗಳು, ಟ್ರೈಲರ್‍ ಮೂಲಕ ಈ ಸಿನಿಮಾ ಸದ್ದು ಮಾಡುತ್ತಿದ್ದು, ವಿಜಯ್ ರಾಘವೇಂದ್ರರಿಗೆ ಒಂದು ಬ್ರೇಕ್ ನೀಡಬಹುದು ಎಂದೇ ನಿರೀಕ್ಷಿಸಲಾಗಿದೆ.

ಪ್ರೀಮಿಯರ್ ಪದ್ಮಿನಿ ಸಿನಿಮಾ ಮೂಲಕ ಗಮನ ಸೆಳೆದಿದ್ದ ಪ್ರಮೋದ್ ಮತ್ತು ಬೃಂದಾವನ ಖ್ಯಾತಿಯ ಮಿಲನಾ ನಾಗರಾಜ್ ಜತೆಯಾಗಿ ನಟಿಸಿದ ಸಿನಿಮಾ ಮತ್ತೆ ಉದ್ಭವ ಕೂಡಾ ಇಂದೇ ತೆರೆ ಕಾಣುತ್ತಿದೆ. ಕಾಮಿಡಿ, ಎಂಟರ್ ಟೈನರ್ ಸಿನಿಮಾ ನಿಮ್ಮ ಮನರಂಜಿಸುವುದು ಖಚಿತಾ.

ಇನ್ನೊಂದು ಹೆಚ್ಚು ನಿರೀಕ್ಷೆ ಮೂಡಿಸಿರುವ ಸಿನಿಮಾವೆಂದರೆ ಪ್ರಜ್ವಲ್ ದೇವರಾಜ್ ಅಭಿನಯದ ‘ಜಂಟಲ್ ಮ್ಯಾನ್’. ಈಗಾಗಲೇ ಡಿ ಬಾಸ್ ದರ್ಶನ್ ಬಿಡುಗಡೆ ಮಾಡಿರುವ ಟ್ರೈಲರ್ ವೀಕ್ಷಕರ ಮೆಚ್ಚುಗೆ ಗಳಿಸಿದೆ.

ನಾಲ್ಕನೆಯದ್ದು, ನಾಗಿಣಿ ಧಾರವಾಹಿ ಖ್ಯಾತಿಯ ದೀಕ್ಷಿತ್ ಶೆಟ್ಟಿ ನಾಯಕರಾಗಿರುವ ದಿಯಾ ಎಂಬ ಸಿನಿಮಾ. ಹೊಸಬರ ಸಿನಿಮಾವಾದರೂ ಈಗಾಗಲೇ ಟ್ರೈಲರ್ ಮೂಲಕ ಭಾರೀ ಕುತೂಹಲ ಮೂಡಿಸಿದೆ.