ಹೈದರಾಬಾದ್ : ನ್ಯಾಚುರಲ್ ಸ್ಟಾರ್ ನಾನಿ ಅಭಿನಯದ , ನಿರ್ದೇಶಕ ಶಿವ ನಿರ್ವಾಣ ಸಂಯೋಜನೆಯಲ್ಲಿ ಮೂಡಿಬಂದ ಕುಟುಂಬ ಮತ್ತು ಆಕ್ಷನ್ ಎಂಟರ್ ಟೈನರ್ ಚಿತ್ರ ‘ತಕ್ ಜಗದೀಶ್’ದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡಲಾಗಿದೆ.
ಇದು ನಾನಿ ಅಭಿನಯದ 26ನೇ ಚಿತ್ರವಾಗಿದ್ದು, ಋತು ವರ್ಮಾ ಮತ್ತು ಐಶ್ವರ್ಯ ರಾಜೇಶ್ ನಾನಿಯೊಂದಿಗೆ ನಾಯಕಿಯಾಗಿ ನಟಿಸಿದ್ದಾರೆ. ಈ ಚಿತ್ರವನ್ನು ಶೈನ್ ಸ್ಕ್ರೀನ್ ಬ್ಯಾನರ್ ಅಡಿಯಲ್ಲಿ ಸಾಹು ಗರಪತಿ ಮತ್ತು ಹರೀಶ್ ಪ್ಯಾಡಿ ಸಹ ನಿರ್ಮಾಣದಲ್ಲಿ ಮಾಡಲಾಗುತ್ತಿದೆ. ಈ ಚಿತ್ರ 2021 ರ ಏಫ್ರಿಲ್ ನಲ್ಲಿ ಬಿಡುಗಡೆಯಾಗಲಿದೆ ಎನ್ನಲಾಗಿದೆ.
ಕ್ರಿಸ್ ಮಸ್ ಉಡುಗೊರೆಯಾಗಿ ಈ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡಲಾಗಿದ್ದು, ಇದರಲ್ಲಿ ನಾನಿ ಅಂದವಾಗಿ ಫಾರ್ಮಲ್ ಡ್ರೆಸ್ ನಲ್ಲಿ ಕುಳಿತಿದ್ದಾರೆ. ಊಟಕ್ಕಾಗಿ ಕುಳಿತ ಅವರು ಬೆನ್ನ ಹಿಂದಿನಿಂದ ಕತ್ತಿಯನ್ನು ಕೋಪದಿಂದ ತೆಗೆಯುತ್ತಿದ್ದಾರೆ.
