ಬೆಂಗಳೂರು: ವಿಜಯ್ ದೇವರಕೊಂಡ ಬರ್ತ್ ಡೇಗೆ ರಶ್ಮಿಕಾ ಮಂದಣ್ಣ ಶುಭ ಕೋರಿದ್ದಕ್ಕೆ ಅಭಿಮಾನಿಗಳು ಹೊಸ ಬೇಡಿಕೆ ಮುಂದಿಟ್ಟಿದ್ದಾರೆ.
‘ಗೀತ ಗೋವಿಂದಂ’, ‘ಡಿಯರ್ ಕಾಮ್ರೇಡ್’ ಸಿನಿಮಾಗಳಲ್ಲಿನ ಅಭಿನಯದಿಂದ ಎಲ್ಲರ ಫೇವರಿಟ್ ಆಗಿದ್ದ ಈ ಜೋಡಿ ಬಳಿಕ ಸದ್ಯಕ್ಕೆ ನಾವಿಬ್ಬರೂ ಜತೆಯಾಗಿ ನಟಿಸಲ್ಲ ಎಂದಿದ್ದರು. ಇದಕ್ಕೆ ಇಬ್ಬರ ಬಗ್ಗೆ ಹಬ್ಬಿಕೊಂಡ ನಾನಾ ರೂಮರ್ ಗಳೂ ಕಾರಣ ಎನ್ನಬಹುದು.
ಇದೀಗ ರಶ್ಮಿಕಾ ವಿಜಯ್ ಬರ್ತ್ ಡೇಗೆ ಶುಭ ಕೋರುತ್ತಿದ್ದಂತೇ ಅಭಿಮಾನಿಗಳಲ್ಲಿ ಮತ್ತೆ ಆಸೆ ಚಿಗುರಿದ್ದು, ನಿಮ್ಮಿಬ್ಬರದ್ದು ಕ್ಯೂಟ್ ಪೇರ್. ಮತ್ತೆ ಮೂರನೇ ಬಾರಿಗೆ ನಿಮ್ಮಿಬ್ಬರನ್ನು ಜತೆಯಾಗಿ ತೆರೆ ಮೇಲೆ ನೋಡುವ ಅವಕಾಶ ಕೊಡಿ ಎಂದು ಮನವಿ ಮಾಡಿದ್ದಾರೆ.
