ಬೆಂಗಳೂರು: ಕರಣ್ ಜೋಹರ್ ನಡೆಸಿಕೊಡುವ ಕಾಫಿ ವಿತ್ ಕರಣ್ ಶೋ ಈ ಬಾರಿ ಒಟಿಟಿನಲ್ಲಿ ಪ್ರಸಾರವಾಗುತ್ತಿದೆ. ಈ ಕಾರಣಕ್ಕೆ ಎಗ್ಗಿಲ್ಲದೇ ಹಸಿಬಿಸಿ ಪ್ರಶ್ನೆಗಳನ್ನೇ ಕೇಳಲಾಗುತ್ತಿದೆ.
ಈಗಾಗಲೇ ಮೂರು ಎಪಿಸೋಡ್ ನೋಡಿದ ಪ್ರೇಕ್ಷಕರು ಈ ಶೋಗೆ ದಕ್ಷಿಣ ಭಾರತದ ಸಂಭಾವಿತ ನಟರು ಈ ಶೋಗೆ ಬರೋದೇ ಬೇಡ ಅಂತಿದ್ದಾರೆ.
ರಾಕಿಂಗ್ ಸ್ಟಾರ್ ಯಶ್, ರಾಮ್ ಚರಣ್ ತೇಜ್, ಜೂ.ಎನ್ ಟಿಆರ್ ಮೊದಲಾದವರು ಶೋಗೆ ಬರಬಹುದು ಎನ್ನಲಾಗುತ್ತಿತ್ತು. ಆದರೆ ಜೂ.ಎನ್ ಟಿಆರ್, ರಾಮ್ ಚರಣ್ ತೇಜ್ ಆಫರ್ ತಿರಸ್ಕರಿಸಿದ್ದರು. ಯಶ್ ಕೂಡಾ ಪಾಲ್ಗೊಳ್ಳುವುದು ಅನುಮಾನ. ಈಗ ಶೋನಲ್ಲಿ ವಿಜಯ್ ದೇವರಕೊಂಡ ಭಾಗಿಯಾಗಿದ್ದು, ಅವರಿಗೆ ಸೆಕ್ಸ್ ಲೈಫ್ ಕುರಿತಾಗಿ ಪ್ರಶ್ನೆ ಕೇಳಲಾಗಿದೆ. ಇದಕ್ಕೂ ಮೊದಲು ಎಲ್ಲಾ ಎಪಿಸೋಡ್ ಗಳಲ್ಲೂ ಸೆಕ್ಸಿಯೆಷ್ಟು ಪ್ರಶ್ನೆಗಳನ್ನು ಕೇಳಲಾಗಿದೆ. ಇದನ್ನು ನೋಡಿದ ಅಭಿಮಾನಿಗಳು ಯಶ್ ಈ ಶೋನಲ್ಲಿ ಖಂಡಿತಾ ಭಾಗಿಯಾಗಲ್ಲ. ಅವರು ಭಾಗಿಯಾಗದೇ ಇದ್ದರೆ ಸಾಕು ಎನ್ನುತ್ತಿದ್ದಾರೆ. ಯಶ್ ಗೆ ಕ್ಲೀನ್ ಇಮೇಜ್ ಇದೆ. ಇಂತಹ ವಿವಾದಾತ್ಮಕ ಶೋನಲ್ಲಿ ಭಾಗಿಯಾಗಿ ಹೆಸರು ಹಾಳುಮಾಡಿಕೊಳ್ಳುವುದು ಬೇಡ ಎಂದು ನೆಟ್ಟಿಗರು ಅಭಿಪ್ರಾಯಪಡುತ್ತಿದ್ದಾರೆ.
