ಬೆಂಗಳೂರು: ಕೊರೋನಾದಿಂದಾಗಿ ರಾಜ್ಯ ಸರ್ಕಾರ ಥಿಯೇಟರ್ ಗಳಿಗೆ ಶೇ.50 ರಷ್ಟು ಮಿತಿ ಹೇರಿದೆ. ಇದರಿಂದಾಗಿ ಸ್ಟಾರ್ ನಟರು ಸಿನಿಮಾ ರಿಲೀಸ್ ಮಾಡಲು ಹಿಂದೇಟು ಹಾಕುತ್ತಿದ್ದಾರೆ.
ಎಲ್ಲಾ ಸರಿ ಹೋಗಿದ್ದರೆ ದುನಿಯಾ ವಿಜಯ್ ಮೊದಲ ಬಾರಿಗೆ ನಿರ್ದೇಶಿಸಿದ ‘ಸಲಗ’ ಸಿನಿಮಾ ಕೂಡಾ ಇದೇ ವಾರ ಬಿಡುಗಡೆಯಾಗಬೇಕಿತ್ತು. ಆದರೆ ಸರ್ಕಾರ ಮತ್ತೆ ಥಿಯೇಟರ್ ಗಳಿಗೆ ಮಿತಿ ಹೇರಿದ್ದರಿಂದ ವಿಜಯ್ ಸಿನಿಮಾ ಬಿಡುಗಡೆ ಮಾಡದೇ ಇರಲು ತೀರ್ಮಾನಿಸಿದರು.
ಇನ್ನು, ಸರ್ಕಾರ ಯಾವಾಗ ಮತ್ತೆ ಥಿಯೇಟರ್ ಗಳಿಗೆ ಶೇ.100 ಪ್ರೇಕ್ಷಕರಿಗೆ ಅವಕಾಶ ಕಲ್ಪಿಸುತ್ತದೋ ಅಲ್ಲಿಯವರೆಗೆ ಸಿನಿಮಾ ರಿಲೀಸ್ ಮಾಡಲ್ಲ ಎಂದು ದುನಿಯಾ ವಿಜಯ್ ಹೇಳಿದ್ದಾರೆ. ಹೀಗಾಗಿ ಸದ್ಯಕ್ಕೆ ಅಭಿಮಾನಿಗಳಿಗೆ ಸಲಗ ದರ್ಶನ ಭಾಗ್ಯವಿಲ್ಲ.
