ನಿಮ್ದು ಇಟ್ಕೊಂಡು ನಮ್ ಬಾಸ್ ಗೇ ಟಾಂಗ್ ಕೊಡ್ತೀರಾ: ಧ್ರುವ ಸರ್ಜಾಗೆ ದರ್ಶನ್ ಫ್ಯಾನ್ಸ್ ಟಾಂಗ್

Photo Credit: Facebook

ಬೆಂಗಳೂರು: ನಟ ದರ್ಶನ್ ಅಭಿಮಾನಿಗಳು ಮತ್ತೆ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಮೇಲೆ ಕಿಡಿಕಾರಿದ್ದಾರೆ. ಇದೀಗ ಧ್ರುವ ಮ್ಯಾನೇಜರ್ ಅರೆಸ್ಟ್ ಆಗಿರುವ ವಿಚಾರ ಇಟ್ಟುಕೊಂಡು ಟ್ರೋಲ್ ಮಾಡುತ್ತಿದ್ದಾರೆ.

ಮೊನ್ನೆಯಷ್ಟೇ ಖಾಸಗಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಧ್ರುವ ಸರ್ಜಾ ‘ನಮ್ಮ ಫಸ್ಟ್ ಸರ್ಕಲ್ ಯಾವತ್ತೂ ಚೆನ್ನಾಗಿರಬೇಕು. ಅಂತಹವರನ್ನು ಜೊತೆಯಲ್ಲಿಟ್ಟುಕೊಳ್ಳಲೇಬಾರದು. ನಾನು ನನ್ನ ಅಭಿಮಾನಿಗಳೊಂದಿಗಾದರೂ ಅಷ್ಟೇನೇ. ಅವರು ಒಳ್ಳೆ ಕೆಲಸ ಮಾಡ್ತಿಲ್ಲ ಎಂದರೆ ನೇರವಾಗಿ ಹೇಳಿಬಿಡ್ತೀನಿ’ ಎಂದೆಲ್ಲಾ ಧ್ರುವ ಹೇಳಿದ್ದರು.

ಇದು ನಟ ದರ್ಶನ್ ಗೆ ಕೊಟ್ಟ ಟಾಂಗ್ ಎಂದೇ ಎಲ್ಲರೂ ಅಂದುಕೊಂಡಿದ್ದರು. ಇದೀಗ ಹಲ್ಲೆ ಪ್ರಕರಣದಲ್ಲಿ ಧ್ರುವ ಸರ್ಜಾ ಆಪ್ತ ಅಶ್ವಿನ್ ಅರೆಸ್ಟ್ ಆಗಿದ್ದಾನೆ. ಇದೇ ವ್ಯಕ್ತಿಗೆ ಧ್ರುವ ಕಳೆದ ವರ್ಷ ದುಬಾರಿ ಕಾರು ಖರೀದಿ ಮಾಡಿದ್ದರು. ಅಷ್ಟರಮಟ್ಟಿಗೆ ಇಬ್ಬರ ನಡುವೆ ಆಪ್ತತೆಯಿತ್ತು. ಆದರೆ ಧ್ರುವ ಜೊತೆ ಜಿಮ್ ಟ್ರೈನರ್ ಪ್ರಶಾಂತ್ ಆಪ್ತರಾಗಿದ್ದು ಸಹಿಸದೇ ಈತ ಮತ್ತು ಇಬ್ಬರು ಸೇರಿಕೊಂಡು ಹಲ್ಲೆ ನಡೆಸಿದ್ದರು.

ಈ ಪ್ರಕರಣವನ್ನಿಟ್ಟುಕೊಂಡು ಈಗ ದರ್ಶನ್ ಫ್ಯಾನ್ಸ್ ಧ್ರುವನನ್ನು ಟ್ರೋಲ್ ಮಾಡುತ್ತಿದ್ದಾರೆ. ನಿಮ್ಮದೇ ಇಟ್ಕೊಂಡು ನಮ್ ಬಾಸ್ ಬಗ್ಗೇನೇ ಕಾಮೆಂಟ್ ಮಾಡ್ತೀರಾ? ಹೆಚ್ಚು ಮೆರೀಬಾರ್ದು ಎಂದು ಇದಕ್ಕೇ ಹೇಳೋದು ಎಂದು ಧ್ರುವಗೆ ಟಾಂಗ್ ಕೊಡುತ್ತಿದ್ದಾರೆ. ಒಟ್ಟಿನಲ್ಲಿ ಧ್ರುವ ಮೇಲೆ ದರ್ಶನ್ ಫ್ಯಾನ್ಸ್ ಹರಿಹಾಯಲು ಒಳ್ಳೆ ಕಾರಣ ಸಿಕ್ಕಂತಾಗಿದೆ.