ಮತ್ತೆ ಒಂದೇ ಫ್ರೇಮ್ ನಲ್ಲಿ ‘ಜೋಡೆತ್ತು’ ದರ್ಶನ್-ಯಶ್

ಬೆಂಗಳೂರು: ಮಂಡ್ಯ ಸಂಸದೆ, ಸುಮಲತಾ ಅಂಬರೀಶ್ ರಾಜಕೀಯ ಪ್ರವೇಶದ ಸಂದರ್ಭದಲ್ಲಿ ಬೆನ್ನುಲುಬಾಗಿ ದುಡಿದಿದ್ದ ‘ಜೋಡೆತ್ತು’ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ರಾಕಿಂಗ್ ಸ್ಟಾರ್ ಯಶ್ ಜೋಡಿ ಮತ್ತೆ ಒಂದೇ ಫ್ರೇಮ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.

Photo Courtesy: Twitter

 ಈ ಇಬ್ಬರೂ ಸ್ಟಾರ್ ಗಳು ಮತ್ತೆ ಜೊತೆಯಾಗಿರುವುದು ಸುಮಲತಾ ಕಾರಣಕ್ಕೆಯೇ ಎಂಬುದು ವಿಶೇಷ. ಮೊನ್ನೆಯಷ್ಟೇ ಜನ್ಮದಿನ ಆಚರಿಸಿಕೊಂಡಿದ್ದ ಸುಮಲತಾ ಇದರ ಅಂಗವಾಗಿ ತಮ್ಮ ಆತ್ಮೀಯ ಬಳಗದವರಿಗೆ ಪಾರ್ಟಿ ಆಯೋಜಿಸಿದ್ದರು.

ಈ ಪಾರ್ಟಿಯಲ್ಲಿ ದರ್ಶನ್, ಯಶ್, ರಾಧಿಕಾ ಪಂಡಿತ್, ರಾಕ್ ಲೈನ್ ವೆಂಕಟೇಶ್, ಗುರುಕಿರಣ್, ಕೀರ್ತಿ ವರ್ಧನ್, ಪ್ರಿಯಾಂಕ ಉಪೇಂದ್ರ ಸೇರಿದಂತೆ ಆತ್ಮೀಯ ಬಳಗದವರೆಲ್ಲಾ ಸೇರಿದ್ದರು. ಈ ವೇಳೆ ಇಬ್ಬರೂ ಜೊತೆಯಾಗಿ ಫೋಟೋ ತೆಗೆಸಿಕೊಂಡಿದ್ದು, ಈ ಫೋಟೋಗಳು ವೈರಲ್ ಆಗಿವೆ.