ಸೆನ್ಸಾರ್ ಪಾಸ್ ಮಾಡಿದ ಡಿ ಬಾಸ್ ದರ್ಶನ್ ‘ಒಡೆಯ’

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಒಡೆಯ ಸಿನಿಮಾವನ್ನು ವೀಕ್ಷಿಸಿರುವ ಸೆನ್ಸಾರ್ ಮಂಡಳಿ ಬಿಡುಗಡೆಗೆ ಹಸಿರು ನಿಶಾನೆ ತೋರಿದೆ.

ಸೆನ್ಸಾರ್ ನಲ್ಲಿ ಪಾಸ್ ಆಗಿರುವ ಒಡೆಯ ಸಿನಿಮಾಗೆ ಯು/ಎ ಸರ್ಟಿಫಿಕೇಟ್ ದೊರೆತಿದೆ. ಇದರೊಂದಿಗೆ ಬಿಡುಗಡೆಗೆ ದಾರಿ ಸುಲಭವಾಗಿದೆ. ಡಿಸೆಂಬರ್ 12 ರಂದು ಒಡೆಯ ರಿಲೀಸ್ ಆಗಲಿದೆ.

ಟ್ರೈಲರ್ ಡಿಸೆಂಬರ್ 1 ರಂದು ಬಿಡುಗಡೆ ಮಾಡಲಿರುವುದಾಗಿ ಚಿತ್ರತಂಡ ಘೋಷಿಸಿದೆ. ಈಗಾಗಲೇ ಟೀಸರ್ ಮೂಲಕವೇ ಸದ್ದು ಮಾಡಿರುವ ಒಡೆಯ ಈ ವರ್ಷಾಂತ್ಯದ ಮತ್ತೊಂದು ಹಿಟ್ ಸಿನಿಮಾವಾಗಬಹುದು.