ಬೆಂಗಳೂರು: ಕ್ರೇಜಿಸ್ಟಾರ್ ರವಿಚಂದ್ರನ್ ಹಿಂದೆ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಡ್ಯಾನ್ಸ್ ರಿಯಾಲಿಟಿ ಶೋ ತೀರ್ಪುಗಾರರಾಗಿದ್ದರು.
ಇದೀಗ ಮತ್ತೆ ರವಿಮಾಮ ಡ್ಯಾನ್ಸ್ ಶೋಗೆ ಮರಳಿದ್ದಾರೆ. ಆದರೆ ಈ ಬಾರಿ ಕೇವಲ ಒಂದು ಎಪಿಸೋಡ್ ಮಟ್ಟಿಗೆ ಅತಿಥಿಯಾಗಿ ಪಾಲ್ಗೊಂಡಿದ್ದಾರೆ.
ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ರಿಯಾಲಿಟಿ ಶೋನ ಮುಂದಿನ ಎಪಿಸೋಡ್ ನಲ್ಲಿ ಕ್ರೇಜಿಸ್ಟಾರ್ ಅತಿಥಿಯಾಗಿರಲಿದ್ದಾರೆ. ಈ ಎಪಿಸೋಡ್ ನ ಶೂಟಿಂಗ್ ಫೋಟೋಗಳನ್ನು ತೀರ್ಪುಗಾರರಾಗಿರುವ ಕ್ರೇಜಿಕ್ವೀನ್ ರಕ್ಷಿತಾ ಹಂಚಿಕೊಂಡಿದ್ದಾರೆ. ಕ್ರೇಜಿಸ್ಟಾರ್ ಇದ್ದಾರೆ ಎಂದರೆ ಖಂಡಿತಾ ತುಂಟಾಟ, ಮನರಂಜನೆಗೆ ಕೊರತೆಯಿರಲ್ಲ.
