ಚೆನ್ನೈ : ಕಾಲಿವುಡ್ ನಟ ಅಜಿತ್ ಅಭಿನಯದ ‘ವಲಿಮೈ’ ಚಿತ್ರದ ಅಪ್ ಡೇಟ್ ಬಗ್ಗೆ ಯಾವುದೇ ಮಾಹಿತಿ ಬಿಡುಗಡೆಯಾಗದ ಕಾರಣ ಅಜಿತ್ ಅಭಿಮಾನಿಗಳು ಈ ಬಗ್ಗೆ ಕೇಳುತ್ತಿದ್ದಾರೆ.
ಆದರೆ ಈ ಹಿಂದೆ ಅಜಿತ್ ವಲಿಮೈ ಅಪ್ ಡೇಟ್ ಬಗ್ಗೆ ರಾಜಕೀಯ ಅಥವಾ ಕ್ರೀಡಾಪಟುಗಳ ಬಳಿ ಕೇಳಬಾರದೆಂದು ಅಭಿಮಾನಿಗಳಲ್ಲಿ ವಿನಂತಿ ಮಾಡಿ ಪತ್ರಿಕಾ ಪ್ರಕಟಣೆ ನೀಡಿದ್ದರು. ಆದರೆ ಇದೀಗ ಅಭಿಮಾನಿಯೊಬ್ಬರು ವಲಿಮೈ ಅಪ್ ಡೇಟ್ ಬಗ್ಗೆ ಬಿಜೆಪಿ ಮುಖಂಡ ವನತಿ ಶ್ರೀನಿವಾಸ್ ಅವರನ್ನು ಕೇಳಿದ್ದಾರೆ.
ಕಮಲ್ ಹಾಸನ್ ಸ್ಪರ್ಧಿಸುತ್ತಿರುವ ಕೊಯಮತ್ತೂರು ದಕ್ಷಿಣದಿಂದ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ವನತಿ ಅವರು , ತಾವು ಚುನಾವಣೆಯಲ್ಲಿ ಗೆದ್ದರೆ ಖಂಡಿತವಾಗಿಯೂ ವಲಿಮೈ ಚಿತ್ರ ಅಪ್ ಡೇಟ್ ಮಾಡುವುದಾಗಿ ವ್ಯಂಗ್ಯವಾಗಿ ಟ್ವೀಟ್ ಮಾಡಿದ್ದಾರೆ. ಇದು ಈಗ ವೈರಲ್ ಆಗಿದೆ.