ಬೆನ್ನು ನೋವು ನಾಪತ್ತೆ, ತಲೆ ಮೇಲೆ ಕೂದಲು: ಡಿ ಬಾಸ್ ದರ್ಶನ್ ಈಸ್ ಬ್ಯಾಕ್

Photo Courtesy X

ಬೆಂಗಳೂರು: ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಜಾಮೀನು ಪಡೆದು ಹೊರಬಂದಿರುವ ನಟ ದರ್ಶನ್ ಇದೀಗ ಛೂ ಮಂತರ್ ಸಿನಿಮಾ ಸೆಟ್‌ ಸರ್ಪ್ರೈಸ್ ಆಗಿ ವಿಸಿಟ್ ನೀಡಿದ್ದಾರೆ.

ಈ ವಿಡಿಯೋ ತುಣುಕು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಬೆನ್ನು ನೋವಿನಿಂದ ಚೇತರಿಸಿಕೊಂಡಿರುವ ದರ್ಶನ್ ಅವರು ತಲೆ ಮೇಲೆ ಕೂದಲಿನೊಂದಿಗೆ ಕಪ್ಪು ಟೀ ಸರ್ಟ್, ಕೂಲಿಂಗ್ ಗ್ಲಾಸ್‌ ಹಾಕಿಕೊಂಡು ಸೆಟ್‌ಗೆ ಬಂದಿದ್ದಾರೆ. ಈ ವೇಳೆ ದರ್ಶನ್‌ರನ್ನು ನಟರಾದ ಶರಣ್ ಹಾಗೂ ಚಿಕ್ಕಣ್ಣ ಆತ್ಮೀಯವಾಗಿ ಸ್ವಾಗತಿಸಿದ್ದಾರೆ.

ಅದಲ್ಲದೆ ಶರಣ್ ಜತೆ ಕೆಲಕಾಲ ಹರಟೆ ಮಾಡಿದ್ದಾರೆ. ಈ ವೇಳೆ ಅಲ್ಲೇ ಇದ್ದ ಮಗುವನ್ನು ಮುದ್ದಾಡಿದ್ದಾರೆ.

ಚಿತ್ರದುರ್ಗಾದ ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಜೈಲು ಸೇರಿ, ಜಾಮೀನು ಮುಖಾಂತರ ಹೊರಬಂದಿರುವ ದರ್ಶನ್ ಅವರು ಕೆಲ ತಿಂಗಳಿನಿಂದ ಬೆನ್ನು ನೋವಿನಿಂದ ಬಳಲುತ್ತಿದ್ದರು. ಆದರೆ ಇದೀಗ ಆರಾಮಾಗಿ ಛೂ ಮಂತರ್ ಸಿನಿಮಾ ಸೆಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.