ಅಪ್ಪು ಫೋಟೋ ಬರುತ್ತೆ ಗೋಳೋ ಅಂತ ಅಳ್ತಾರೆ: ಮದುವೆಯಾದ್ರೂ ಅನುಶ್ರೀಗೆ ತಪ್ಪಲಿಲ್ಲ ಟ್ರೋಲ್ ಕಾಟ

ಬೆಂಗಳೂರು: ಆಂಕರ್ ಅನುಶ್ರೀ ಮದುವೆಯಾದ ಒಂದೇ ವಾರಕ್ಕೆ ಮತ್ತೆ ಕೆಲಸಕ್ಕೆ ಮರಳಿದ್ದಾರೆ. ಜೀ ಕನ್ನಡ ವಾಹಿನಿ ಅವರಿಗೆ ವಿಶೇಷವಾಗಿ ವೆಲ್ ಕಮ್ ಮಾಡಿದೆ. ಆದರೆ ಇಲ್ಲೂ ಅನುಶ್ರೀಗೆ ಟ್ರೋಲಿಗರ ಕಾಟ ತಪ್ಪಿಲ್ಲ.

ಜೀ ಕನ್ನಡ ವಾಹಿನಿಯ ಮನೆ ಮಗಳು ಅನುಶ್ರೀ. ಇದೀಗ ಮಹಾನಟಿ 2 ಕಾರ್ಯಕ್ರಮದ ನಿರೂಪಣೆ ಮಾಡುತ್ತಿದ್ದಾರೆ. ಆಗಸ್ಟ್ 28 ಕ್ಕೆ ಅವರ ಮದುವೆಯಾಗಿತ್ತು.ಐಟಿ ಉದ್ಯೋಗಿ ರೋಷನ್ ಜೊತೆ ಅನುಶ್ರೀ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.

ಮದುವೆಯಾಗಿ ಎರಡು ವಾರ ಕಳೆದಿಲ್ಲ ಆಗಲೇ ಅನುಶ್ರೀ ಮತ್ತೆ ಶೋಗೆ ವಾಪಸ್ ಬಂದಿದ್ದಾರೆ. ಅನುಶ್ರೀ ಮದುವೆಯಾಗಿ ಶೂಟ್ ಮಾಡುತ್ತಿರುವ ಮೊದಲ ಎಪಿಸೋಡ್ ಎಂದರೆ ಕೇಳಬೇಕೇ? ಜೀ ವಾಹಿನಿ ಅವರನ್ನು ಮದುವೆಯಾಗಿ ಮತ್ತೆ ತವರಿಗೆ ಬಂದ ಮಗಳಂತೆ ಸನ್ಮಾನ ಮಾಡಿದೆ. ಈ ಪ್ರೋಮೋಗಳನ್ನು ವಾಹಿನಿ ಹಂಚಿಕೊಂಡಿದೆ.

ಆದರೆ ಈಗಲೂ ಅವರನ್ನು ಟ್ರೋಲಿಗರು ಬಿಟ್ಟಿಲ್ಲ. ಇಷ್ಟು ದಿನ ಅನುಶ್ರೀ ಮದುವೆ ಯಾವಾಗ ಎಂದೆಲ್ಲಾ ಟ್ರೋಲ್ ಮಾಡುತ್ತಿದ್ದ ಜನ ಈಗ ಮದುವೆಯಾದ ಮೇಲೂ ಕಾಲೆಳೆದಿದ್ದಾರೆ. ಒಬ್ಬರಂತೂ ಈಗ ಅಪ್ಪು (ಪುನೀತ್ ರಾಜ್ ಕುಮಾರ್) ಫೋಟೋ ಹಾಕ್ತಾರೆ, ಗೋಳೋ ಅಂತಾರೆ ಎಂದು ಪ್ರೋಮೋಗೆ ಕಾಮೆಂಟ್ ಮಾಡಿದ್ದಾರೆ. ಮತ್ತೆ ಕೆಲವರು ಇಂತಹದ್ದೊಂದು ಸನ್ನಿವೇಶವಿರುತ್ತದೆ ಎಂದು ನಮಗೆ ಮೊದಲೇ ಗೊತ್ತಿತ್ತು ಎಂದಿದ್ದಾರೆ. ಇದಕ್ಕಾಗಿಯೇ ಕರಿಮಣಿ ಸರ ಹಾಕಿಕೊಂಡು ಬಂದಿದ್ದಾರಾ ಎಂದು ನೆಗೆಟಿವ್ ಕಾಮೆಂಟ್ ಮಾಡಿದ್ದಾರೆ. ಇದರ ನಡುವೆಯೂ ಹಲವರು ನೀವು ಮನೆ ಮಗಳಿದ್ದಂತೆ ಎಂದು ಶುಭಾಶಯಗಳನ್ನೂ ಕೋರಿದ್ದಾರೆ.