ವಿಜಯ್ ‘ಮಾಸ್ಟರ್’ ಸಿನಿಮಾಕ್ಕೆ ನಟ ವಿಜಯ್ ಸೇತುಪತಿಯಿಂದ ಸಂಕಷ್ಟ

ಚೆನ್ನೈ : ಕಾಲಿವುಡ್ ನ ಖ್ಯಾತ ನಟ ವಿಜಯ್ ಅಭಿನಯದ ‘ಮಾಸ್ಟರ್’ ಸಿನಿಮಾಕ್ಕೆ ನಟ ವಿಜಯ್ ಸೇತುಪತಿಯಿಂದ ಸಂಕಷ್ಟ ಎದುರಾಗುವ ಸಂಭವವಿದೆ ಎನ್ನಲಾಗಿದೆ.

ಹೌದು. ವಿಜಯ್ ಸೇತುಪತಿ ಅವರು ಈಗ ಮುತ್ತಯ್ಯ ಮುರಳೀಧರನ್  ಅವರ ಜೀವನಚರಿತ್ರೆಯಲ್ಲಿ ನಟಿಸಲು ಸಜ್ಜಾಗಿದ್ದಾರೆ. ಈ ಚಿತ್ರವು ಮುತ್ತಯ್ಯ ಮುರಳೀಧರನ್ ಅವರ ಕ್ರಿಕೆಟ್ ವೃತ್ತಿಜೀವನ ಮತ್ತು ಶ್ರೀಲಂಕಾದಲ್ಲಿ ತಮಿಳರ ಹತ್ಯಾಕಾಂಡದ ಕುರಿತಾಗಿದೆ. ಈ ಕಾರಣದಿಂದ ವಿಜಯ ಸೇತುಪತಿಯನ್ನು ಸೋಶಿಯಲ್ ಮೀಡಿಯಾದಲ್ಲಿ  ಅನೇಕ ಜನರು ವಿರೊಧಿಸುತ್ತಿದ್ದಾರೆ. ಹಾಗೇ ವಿಜಯ್ ಸೇತುಪತಿ  ನಟಿಸುವ ಮುಂದಿನ ಸಿನಿಮಾಗಳಿಗೂ ಈ ವಿರೋಧದ ಬಿಸಿ ತಟ್ಟುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಆದಕಾರಣ  ವಿಜಯ್ ಮಾಸ್ಟರ್ ಸಿನಿಮಾದಲ್ಲಿ ವಿಜಯ್ ಸೇತುಪತಿ ಖಳನಾಯಕನಾಗಿ ನಟಿಸುತ್ತಿದ್ದು, ಈ ಚಿತ್ರಕ್ಕೂ ವಿರೋಧದ ಕಾವು ತಟ್ಟಲಿದೆ ಎನ್ನಲಾಗಿದೆ.  ಇದು ವಿಜಯ್ ಮಾಸ್ಟರ್ ಚಿತ್ರಕ್ಕಾಗಿ ಕಾಯುತ್ತಿದ್ದ ಅಭಿಮಾನಿಗಳಿಗೆ ಆತಂಕವನ್ನುಂಟುಮಾಡಿದೆ ಎನ್ನಲಾಗಿದೆ.