ಆಂಡ್ರ್ಯಾಡ್ ಫೋನ್‌ಗಳಲ್ಲಿ ವಾಟ್ಸಪ್‌ ಬೇಟಾದಿಂದ ಬೆರಳಚ್ಚು ಧೃಡಿಕರಣ ವ್ಯವಸ್ಥೆ ಶೀಘ್ರದಲ್ಲಿಯೇ ಜಾರಿಗೆ ಬರಲಿದೆ. ಇದರಿಂದ ನೀವು ವಾಟ್ಸಪ್‌ನಲ್ಲಿ ಮಾಡುತ್ತಿರುವ ಚಾಟ್‌ಗಳು ಮತ್ತಷ್ಟು ಸುರಕ್ಷಿತವಾಗಿರಲಿವೆ ಎನ್ನಲಾಗುತ್ತಿದೆ.
ವಾಟ್ಸಪ್‌ ಪ್ರವೇಶಿಸಲು ಬೆರಳಚ್ಚು ಧೃಡಿಕರಣ ಬಳಸುವುದನ್ನು ನೀವು ಎಂದಾದರೂ ಯೋಚಿಸಿದ್ದೀರಾ? ಸರಿ, ಇದು ಶೀಘ್ರದಲ್ಲೇ ರಿಯಾಲಿಟಿ ಆಗಲಿದೆ. ಆಂಡ್ರಾಯ್ಡ್ ಮತ್ತು ಐಒಎಸ್ ಬಳಕೆದಾರರಿಗೆ ಹೊಸ ವೈಶಿಷ್ಟ್ಯಗಳನ್ನು ವಾಟ್ಸಪ್‌ನಲ್ಲಿ ಜಾರಿಗೆ ತರಲು ಕಾರ್ಯನಿರ್ವಹಿಸಲಾಗುತ್ತಿದೆ. ವಾಟ್ಸಪ್‌ ಡಾರ್ಕ್ ಮೋಡ್ ವೈಶಿಷ್ಟ್ಯವನ್ನು ಇತ್ತೀಚಿಗೆ ಆಂಡ್ರಾಯ್ಡ್ ಕ್ಯೂ ಅಪ್ಡೇಟ್ ಮೂಲಕ ಹೊರಬರಲಿದೆ ಎಂದು ವರದಿ ಮಾಡಿದೆ.
ಹೊಸ ವರದಿಯ ಪ್ರಕಾರ ಆಂಡ್ರಾಯ್ಡ್ ಬಳಕೆದಾರರು ಶೀಘ್ರದಲ್ಲೇ ತಮ್ಮ ವಾಟ್ಸಪ್‌ನಲ್ಲಿ ಬೆರಳಚ್ಚು ಧೃಡಿಕರಣ ಸೌಲಭ್ಯವನ್ನು ಪಡೆಯಲಿದ್ದಾರೆ. ಇದರಿಂದ ನೀವು ಕಳುಹಿಸುವ ವಾಟ್ಸಪ್‌ ಸಂದೇಶಗಳು ಮತ್ತಷ್ಟು ಸುರಕ್ಷಿತವಾಗಿರಲಿವೆ ಎಂದು ಮೂಲಗಳು ತಿಳಿಸಿವೆ.
ವಾಟ್ಸಪ್‌ ಬೇಟಾ ವರದಿಯ ಪ್ರಕಾರ, ಆಂಡ್ರಾಯ್ಡ್ ಬಳಕೆದಾರರಿಗೆ ಹೊಸ ದೃಢೀಕರಣ ವೈಶಿಷ್ಟ್ಯವನ್ನು ಗುರುತಿಸಿರುವ ಫೇಸ್‌ಬುಕ್ ಮಾಲೀಕತ್ವದ ಅಪ್ಲಿಕೇಶನ್ ಆಂಡ್ರಾಯ್ಡ್ 2.19.3 ಅಪ್ಡೇಟ್ ಮಾಡುವುದರಿಂದ ವಾಟ್ಸಪ್‌ ಬೀಟಾದಲ್ಲಿ ಬೆರಳಚ್ಚು ಧೃಡಿಕರಣ ಸೌಲಭ್ಯ ಲಭ್ಯವಾಗಲಿದೆ.
ಐಒಎಸ್‌‌ಗಾಗಿ ವಾಟ್ಸಪ್‌ನಲ್ಲಿ ಫೇಸ್ ಐಡಿ ಮತ್ತು ಟಚ್ ಐಡಿ ಏಕೀಕರಣದ ಮೇಲೆ ಸಂಶೋಧನೆ ನಡೆದಿದ್ದು ಕೆಲ ಕಾರಣಗಳಿಗಾಗಿ ಇನ್ನೂ ಲಭ್ಯವಾಗದು. ಆಂಡ್ರಾಯ್ಡ್ ಓಎಸ್‌ಗಾಗಿ ವಾಟ್ಸಪ್‌ ಬೆರಳಚ್ಚು ದೃಢೀಕರಣದಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದೆ.
ವಾಟ್ಸಪ್‌ ಅಪ್ಲಿಕೇಶನ್‌ನಲ್ಲಿ ಹೊಸ ವಿಭಾಗವಿದ್ದು ಅದು ಬೆರಳಚ್ಚು ದೃಢೀಕರಣ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸುವ ಆಯ್ಕೆಯನ್ನು ಹೊಂದಿರುತ್ತದೆ. ಇದು ಐಒಎಸ್‌ನಂತೆ ನಿಖರವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಆಪಲ್‌ ಓಎಸ್‌ನಲ್ಲಿಯೂ ಸಹ ಲಭ್ಯವಾಗುತ್ತದೆ. ಬಳಕೆದಾರರು ಅಪ್ಲಿಕೇಶನ್ ಅನ್ನು ತೆರೆಯುವ ಪ್ರತಿ ಬಾರಿ ತಮ್ಮನ್ನು ಪ್ರಮಾಣೀಕರಿಸಲು ಅಗತ್ಯವಿರುವಂತೆ, ವಾಟ್ಸಪ್‌ಗೆ ಸೇರ್ಪಡೆಯಾದ ಭದ್ರತೆಯ ಒಂದು ಹೆಚ್ಚುವರಿ ಲೇಯರ್ ಇರುತ್ತದೆ ಎಂದು ವಾಟ್ಸಪ್‌ ಮೂಲಗಳು ತಿಳಿಸಿವೆ.
