ಶಾಕಿಂಗ್ ನ್ಯೂಸ್! ಕೂಡಲೇ ನೂತನ ವಾಟ್ಸ್ ​ಆ್ಯಪ್​ ವರ್ಶನ್​​ ಅಪ್ ​​ಡೇಟ್​ ಮಾಡಿಕೊಳ್ಳಿ

ಬುಧವಾರ, 15 ಮೇ 2019 (06:43 IST)
ಬೆಂಗಳೂರು : ಸೋಶಿಯಲ್ ಮೀಡಿಯಾಗಳಲ್ಲಿ ತುಂಬಾನೇ ಸೇಫ್ ಎಂದುಕೊಂಡಿದ್ದ ವಾಟ್ಸ್​ ಆ್ಯಪ್​​​ ಮೂಲಕವೂ ಹ್ಯಾಕರ್ ​​ಗಳು ನಮ್ಮ  ವೈಯಕ್ತಿಕ ಡೇಟಾವನ್ನು ಕದಿಯುತ್ತಿದ್ದಾರೆ ಎಂಬ ವಿಚಾರ ಇದೀಗ ಬೆಳಕಿಗೆ ಬಂದಿದೆ.




ನಮ್ಮ ವೈಯಕ್ತಿಕ ಡೇಟಾ ಸುರಕ್ಷಿತವಾಗಿರಿಸಲು ವಾಟ್ಸ್ ​​ಆ್ಯಪ್​​​ ತುಂಬಾ  ಸಹಕಾರಿ ಎಂದು ತಜ್ಞರು ಹೇಳುತ್ತಿದ್ದರು. ಅಲ್ಲದೇ ಕೊನೆಯವರೆಗೂ ನಮ್ಮ ಪರ್ಸನಲ್​ ಡಾಟಾ, ವಿಡಿಯೋ ಮತ್ತು ಪೋಟೋಸ್, ಮೆಸೇಜ್​ಗಳನ್ನು​​ ವಾಟ್ಸ್​​ಆ್ಯಪ್​​​ ಸಂಸ್ಥೆ ಭದ್ರವಾಗಿ ಉಳಿಸಿಕೊಳ್ಳುತ್ತದೆ ಎನ್ನಲಾಗಿತ್ತು.


ಆದರೆ ಇತ್ತೀಚೆಗೆ ಇಸ್ರೇಲ್​ ಮೂಲದ ಎನ್​.ಎಸ್.​ಒ ಎಂಬ ಕಂಪನಿ ಡಾಟಾ ಕಳವು ಬಗ್ಗೆ ವ್ಯಾಟ್ಸ್​​ಆ್ಯಪ್​​ ಸಂಸ್ಥೆಗೆ ಮಾಹಿತಿ ನೀಡಿದ್ದು, ಕರೆಯ ಮೂಲಕ ಬಳಕೆದಾರನ ವ್ಯಯಕ್ತಿಕ ಮಾಹಿತಿಯನ್ನು ಕದಿಯುತ್ತಿದೆ ಎಂದು ತಿಳಿಸಿದೆ. ವಾಟ್ಸ್​ಆ್ಯಪ್​ ವರ್ಶನ್​​ V2.19.134, ಬ್ಯುಸಿನಸ್​​ v2.19.44, ವಾಟ್ಸ್​ಆ್ಯಪ್ iOS v2.19.51, ವಾಟ್ಸ್​ಆ್ಯಪ್ ಬ್ಯುಸಿನೆಸ್ iOS v2.19.51, ವಾಟ್ಸ್​ಆ್ಯಪ್​ ವಿಂಡೋಸ್​  v2.18.348, ವಾಟ್ಸ್​ಆ್ಯಪ್​​ ಟೈಝೆನ್​ v2.18.15 ವರ್ಶನ್​​ ಗಳಲ್ಲಿ ಮಾಹಿತಿ ಕದಿಯಲಾಗುತ್ತಿದೆ ಎಂದು ಇಸ್ರೇಲ್​​ ಕಂಪನಿ ತಿಳಿಸಿದೆ.


ಆದ್ದರಿಂದ ವಾಟ್ಸ್​ಆ್ಯಪ್​ ಸಂಸ್ಥೆ ಇದೇ ಮೇ.10ರಂದು iOS ಮತ್ತು ಆ್ಯಂಡ್ರಾಯ್ಡ್​ ಬಳಕೆದಾರಿಗೆ ಅಪ್​ಡೇಟ್​ ವರ್ಷನ್​ ಬಿಡುಗಡೆ ಮಾಡಿದೆ. ಬಳಕೆದಾರರು ಗೂಗಲ್​ ಪ್ಲೇಸ್ಟೋರ್​ ಹೋಗಿ ಕೂಡಲೇ ನೂತನ ವಾಟ್ಸ್ ​ಆ್ಯಪ್​ ವರ್ಶನ್​​ ಅಪ್​​ಡೇಟ್​ ಮಾಡಿಕೊಳ್ಳಬೇಕಿದೆ. ಐಫೋನ್​ ಬಳಕೆದಾರರು ಆ್ಯಪ್​ ಸ್ಟೋರ್​ ಮೂಲಕ ಅಪ್​ಡೇಟ್​​ ಮಾಡಬಹುದು ಎಂಬುದಾಗಿ ತಿಳಿಸಿದೆ.


ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ

ವೆಬ್ದುನಿಯಾವನ್ನು ಓದಿ

ಮುಂದಿನ ಸುದ್ದಿ ಯಡಿಯೂರಪ್ಪರ ಕನಸಲ್ಲಿ ನಿತ್ಯ ಬರೋರು ಯಾರು?