‘ತಲಾ’ ಧೋನಿ, ‘ಚಿನ್ನ ತಲಾ’ ರೈನಾ ನೆಟ್ಸ್ ನಲ್ಲಿ ಮುಖಾಮುಖಿ

ಮುಂಬೈ: ಐಪಿಎಲ್ 14 ಕ್ಕೆ ತಯಾರಿ ನಡೆಸುತ್ತಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಘಟಾನುಘಟಿಗಳಾದ ‘ತಲಾ’ ಧೋನಿ ಮತ್ತು ‘ಚಿನ್ನ ತಲಾ’ ಸುರೇಶ್ ರೈನಾ ಜೊತೆಯಾಗಿ ಅಭ್ಯಾಸ ನಡೆಸಿದ್ದಾರೆ.

Photo Courtesy: CSK Twitter

ಇಬ್ಬರೂ ನೆಟ್ ಪ್ರ್ಯಾಕ್ಟೀಸ್ ಸಂದರ್ಭದಲ್ಲಿ ಜೊತೆಯಾಗಿರುವ ಫೋಟೋವನ್ನು ಪ್ರಕಟಿಸಿರುವ ರೈನಾ ‘ಹೃದಯಕ್ಕೆ ಹೃದಯ ಬೆರೆತಾಗ’ ಎಂದು ಬರೆದುಕೊಂಡಿದ್ದಾರೆ. ಕಳೆದ ಆವೃತ್ತಿಯಲ್ಲಿ ರೈನಾ ಅರ್ಧದಲ್ಲೇ ಟೂರ್ನಮೆಂಟ್ ಬಿಟ್ಟು ಹೊರಟಾಗ ಧೋನಿ ಜೊತೆಗೆ ವೈಮನಸ್ಯದ ವಿವಾದವೆದ್ದಿತ್ತು. ಆದರೆ ರೈನಾ ಬಳಿಕ ಇದನ್ನು ನಿರಾಕರಿಸಿದ್ದರು.

ಇದೆಲ್ಲಾ ವಿವಾದಗಳ ಬಳಿಕ ಈಗ ಇದೇ ಮೊದಲ ಬಾರಿಗೆ ಮುಖಾಮುಖಿಯಾಗಿದ್ದು, ನೆಟ್ಸ್ ನಲ್ಲಿ ಜೊತೆಯಾಗಿ ಬ್ಯಾಟಿಂಗ್ ಅಭ್ಯಾಸ ನಡೆಸಿದ್ದಾರೆ. ಚೆನ್ನೈ ತಂಡದ ಆಧಾರಸ್ತಂಬವಾಗಿರುವ ಇಬ್ಬರೂ ಜೊತೆಯಾಗಿರುವುದನ್ನು ನೋಡಿರುವ ಅಭಿಮಾನಿಗಳೂ ಖುಷಿಯಾಗಿದ್ದಾರೆ.