ಮುಂಬೈ: ಈ ಬಾರಿ ಐಪಿಎಲ್ ಗೆ ಮೊದಲು ಎಲ್ಲಾ ಫ್ರಾಂಚೈಸಿಗಳು ಮೆಗಾ ಹರಾಜಿನಲ್ಲಿ ತಮ್ಮ ತಂಡದ ಕೀ ಆಟಗಾರರನ್ನು ಉಳಿಸಿಕೊಂಡಿದ್ದರು. ಆದರೆ ಈ ರೀತಿ ರಿಟೈನ್ಡ್ ಆದ ಆಟಗಾರರು ಎಲ್ಲರೂ ಫ್ಲಾಪ್ ಶೋ ಕೊಟ್ಟಿದ್ದು ವಿಪರ್ಯಾಸ.
ಮುಂಬೈ ಇಂಡಿಯನ್ಸ್: ರೋಹಿತ್ ಶರ್ಮಾ, ಜಸ್ಪ್ರೀತ್ ಬುಮ್ರಾ, ಸೂರ್ಯಕುಮಾರ್ ಯಾದವ್ ರನ್ನು ತಂಡ ಉಳಿಸಿಕೊಂಡಿತ್ತು. ಈ ಪೈಕಿ ರೋಹಿತ್, ಬುಮ್ರಾ ಹೇಳಿಕೊಳ್ಳುವ ಪ್ರದರ್ಶನ ನೀಡಲಿಲ್ಲ. ಸೂರ್ಯ ಕುಮಾರ್ ಯಾದವ್ ಗಾಯದಿಂದಾಗಿ ಆಡಲೇ ಇಲ್ಲ.
ಆರ್ ಸಿಬಿ: ವಿರಾಟ್ ಕೊಹ್ಲಿ, ಗ್ಲೆನ್ ಮ್ಯಾಕ್ಸ್ ವೆಲ್, ಮೊಹಮ್ಮದ್ ಸಿರಾಜ್ ರನ್ನು ಉಳಿಸಿಕೊಂಡಿತ್ತು. ಆದರೆ ಮೂವರೂ ಫಾರ್ಮ್ ನಿಂದಾಗಿ ಸರಣಿಯುದ್ದಕ್ಕೂ ಟೀಕೆಗೊಳಗಾಗಿದ್ದರು.
ಸನ್ ರೈಸರ್ಸ್ ಹೈದರಾಬಾದ್: ನಾಯಕ ಕೇನ್ ವಿಲಿಯಮ್ಸನ್ ಮಹತ್ವದ ಘಟ್ಟದಲ್ಲಿ ವೈಯಕ್ತಿಕ ಕಾರಣ ನೀಡಿ ಟೂರ್ನಿಯಿಂದಲೇ ಹೊರನಡೆದರು. ಅಬ್ದುಲ್ ಸಮದ್ ಹೇಳಿಕೊಳ್ಳುವ ಪ್ರದರ್ಶನ ಬರಲಿಲ್ಲ. ಇದ್ದವರಲ್ಲಿ ಉಮ್ರಾನ್ ಮಲಿಕ ಗಮನ ಸೆಳೆದರು.
ಪಂಜಾಬ್ ಕಿಂಗ್ಸ್: ಪಂಜಾಬ್ ಈ ಬಾರಿ ಮಯಾಂಕ್ ಅಗರ್ವಾಲ್ ಮತ್ತು ಅರ್ಷ್ ದೀಪ್ ಸಿಂಗ್ ರನ್ನು ಉಳಿಸಿಕೊಂಡಿತ್ತು. ಆದರೆ ಇಬ್ಬರೂ ಟೂರ್ನಿಯಲ್ಲಿದ್ದರೇ ಎಂದು ಅನುಮಾನ ಮೂಡಿಸುವಷ್ಟು ಕಳಪೆ ಪ್ರದರ್ಶನ ನೀಡಿದ್ದರು.
ಚೆನ್ನೈ ಸೂಪರ್ ಕಿಂಗ್ಸ್: ಧೋನಿ, ಜಡೇಜಾ, ಋತುರಾಜ್ ಗಾಯಕ್ ವಾಡ್,ಮೊಯಿನ್ ಅಲಿ. ಹೀಗೆ ನಾಲ್ವರನ್ನು ಉಳಿಸಿಕೊಂಡಿದ್ದ ಚೆನ್ನೈಗೆ ನಾಲ್ವರೂ ಕಳಪೆ ಪ್ರದರ್ಶನದಿಂದಾಗಿ ಕೈಕೊಟ್ಟರು.
ಡೆಲ್ಲಿ ಕ್ಯಾಪಿಟಲ್ಸ್: ರಿಷಬ್ ಪಂತ್, ಪೃಥ್ವಿ ಶಾ, ಅಕ್ಸರ್ ಪಟೇಲ್, ಅನ್ ರಿಚ್ ನೋರ್ಟ್ಜೆ ಹೀಗೆ ನಾಲ್ವರನ್ನು ಉಳಿಸಿಕೊಳ್ಳಲಾಗಿತ್ತು. ಆದರೆ ಯಾರೂ ಖ್ಯಾತಿಗೆ ತಕ್ಕ ಆಟವಾಡಲೇ ಇಲ್ಲ.
ಕೆಕೆಆರ್: ಕಳೆದ ಋತುವಿನಲ್ಲಿ ಪ್ರದರ್ಶನ ಗಮನಿಸಿ ವೆಂಕಟೇಶ್ ಅಯ್ಯರ್, ಆಂಡ್ರೆ ರಸೆಲ್, ವರುಣ್ ಚಕ್ರವರ್ತಿ, ಸುನಿಲ್ ನರೈನ್ ರನ್ನು ಉಳಿಸಿಕೊಂಡಿದ್ದ ಕೆಕೆಆರ್ ಗೆ ನಾಲ್ವರೂ ಕೈಕೊಟ್ಟು ಲೀಗ್ ಹಂತದಲ್ಲೇ ತಂಡ ಕೂಟದಿಂದ ಹೊರಬೀಳುವಂತಾಗಿತ್ತು.
ರಾಜಸ್ಥಾನ್ ರಾಯಲ್ಸ್: ಸಂಜು ಸ್ಯಾಮ್ಸನ್, ಜೋಸ್ ಬಟ್ಲರ್, ಯಶಸ್ವಿ ಜೈಸ್ವಾಲ್. ಬಹುಶಃ ರಿಟೈನ್ಡ್ ಆಟಗಾರರು ಕೈ ಹಿಡಿದಿದ್ದು ರಾಜಸ್ಥಾನ್ ಗೆ ಮಾತ್ರ. ಈ ಮೂವರೂ ಖ್ಯಾತಿಗೆ ತಕ್ಕ ಆಟವಾಡಿ ತಂಡವನ್ನು ಫೈನಲ್ ತನಕ ಕೊಂಡೊಯ್ದರು.