ನಾಯಕರಾಗಿ ಪ್ಲಾಪ್ ಆದ ರವೀಂದ್ರ ಜಡೇಜಾ ಐಪಿಎಲ್ 2022 ರಿಂದಲೇ ಔಟ್!

ಮುಂಬೈ: ಐಪಿಎಲ್ 2022 ರಲ್ಲಿ ಆರಂಭಿಕ ಪಂದ್ಯಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕರಾಗಿ ಸತತ ಸೋಲುಂಡಿದ್ದ ರವೀಂದ್ರ ಜಡೇಜಾ ಈಗ ಈ ಕೂಟದಿಂದಲೇ ಹೊರನಡೆಯುವಂತಾಗಿದೆ.

ರವೀಂದ್ರ ಜಡೇಜಾ ಪಕ್ಕೆಲುಬಿನ ನೋವಿಗೊಳಗಾಗಿದ್ದು, ಈ ಬಾರಿಯ ಐಪಿಎಲ್ ನಿಂದ ಹೊರಬಿದ್ದಿದ್ದಾರೆ. ಈ ಬಗ್ಗೆ ಚೆನ್ನೈ ಸೂಪರ್ ಕಿಂಗ್ಸ್ ಪ್ರಕಟಣೆ ನೀಡಿದೆ.

ನಾಯಕತ್ವದಲ್ಲಿ ವಿಫಲರಾಗಿದ್ದ ಜಡೇಜಾ ಆಟದಲ್ಲೂ ಈ ಬಾರಿ ಮಂಕಾಗಿದ್ದರು. ಕಳೆದ ಪಂದ್ಯದಿಂದ ಅವರು ವಿಶ್ರಾಂತಿ ಪಡೆದಿದ್ದರು. ಇದೀಗ ಗಾಯ ಗಂಭೀರವಾಗಿರುವ ಕಾರಣ ಈ ಐಪಿಎಲ್ ನಿಂದಲೇ ಹೊರಗುಳಿಯುವ ಅನಿವಾರ್ಯತೆ ಎದುರಾಗಿದೆ.